నేను తెలంగాణ ఆడబిడ్డనే: రేణుకా చౌదరి మాట
ఢిల్లీకి చేరుకున్న రేణుకా చౌదరికి కార్యకర్తలు ఘన స్వాగతం చెప్పారు. శనివారం ఆమె సోనియాను కలుసుకున్నారు. హర్యానాకు చెందినవారు రేణుకా చౌదరికి స్వాగతం చెప్పినవారిలో ఉన్నారు. తన అభ్యర్థిత్వాన్ని ఎవరూ వ్యతిరేకించలేదని, మధ్యంతర ఎన్నికలు వచ్చే అవకాశాలు లేవని రేణుకా చౌదరి అన్నారు. కేంద్ర మంత్రివర్గంలో చోటుపై తనకు ఎటువంటి సమాచారం లేదని ఆమె అన్నారు. రాజ్యసభ సీటు తనకు పదవి కాదని, బాధ్యత అని ఆమె అన్నారు. సోనియా నాయకత్వంలో తామంతా సైనికుల్లా పనిచేస్తామని ఆమె చెప్పారు.
తెలంగాణ ఓ ఒక్కరి పేటెంటో కాదని ఆమె అన్నారు. క్లిష్ట సమయంలో కిరణ్ కుమార్ రెడ్డి ముఖ్యమంత్రిగా వచ్చారని ఆయన అన్నారు. నిలదొక్కుకోవడానికే సమయం పడుతోందని ఆమె అన్నారు. రాష్ట్రంలో తెలుగుదేశం పార్టీ అధ్యక్షుడు చంద్రబాబు నాయుడి పనై పోయిందని ఆయన అన్నారు. తెలంగాణ ఏర్పాటు ఇన్స్టంట్ కాఫీ కాదని, తాను తెలంగాణ కోసం పని చేస్తూనే ఉన్నానని ఆమె చెప్పారు. తెలంగాణ కోసం తాను ఏం చేస్తానో మంత్రి పదవి వచ్చిన తర్వాత చెప్తానని ఆమె అన్నారు. చిరంజీవి సినీ స్టార్ మాత్రమే కారని, పొలిటికల్ స్టార్ అని ఆమె అన్నారు.