చౌర్యం భారత విద్యార్థుల సమస్య: వికీపీడియా నివేదిక
ఫౌండేషన్ స్టాఫ్, కన్సల్టెంట్స్ పూణే పైలట్ ప్రాజెక్టును 2011 ఫిబ్రవరి, నవంబర్ మధ్య కాలంలో రూపొందించి అమలు చేసింది. పూణేలోని మూడు విశ్వవిద్యాలయాల్లోని 1,014 మంది విద్యార్థులను, 24 కోర్సులను ఈ ప్రాజెక్టు కోసం తీసుకుంది. వికీపీడియా బేసిక్స్ను విద్యార్థులకు చెప్పి అసైన్మెంట్ ఇవ్వడానికి ఫౌండేషన్ క్యాంపస్ అంబాసిడర్స్ను ఎంపిక చేసుకుంది. సెప్టెంబర్ నాటికి వికీపీడియాలో సమస్యాత్మకమైన కొత్త మెటిరీయల్ పెరిగింది. కాపీరైట్ నిబంధనల ఉల్లంఘన, పేరాల చౌర్యం, తప్పుడు కంటెంట్, భాషాపరమైన తప్పులు అవి.
గ్రంథాలకు సంబంధించి భారతదేశంలో కాపీరైట్, చౌర్యాలకు సంబంధించిన చట్టాలున్నాయని, అయితే సాధారణంగా అవి అమలు కావడం లేదని, చాలా మంది ఆచార్యులు కాపీ చేసి పేస్ట్ చేసే పద్ధతిని అంగీకరిస్తున్నారని నివేదిక అభిప్రాయపడింది. పూణే పైలట్ ప్రాజెక్టుకు ముందు కూడా ఆంగ్లంలో కాపీ రైట్ నిబంధనలను ఉల్లంఘించిన కంటెంట్ కనిపించిందని గ్లోబల్ వికీపీడియా సంపాదకులు అభిప్రాయపడ్డారు. దీనిపట్ల తాము పరిగణనలోకి గత కొన్నేళ్లుగా తీసుకున్నట్లు వికీపీడియా ఆర్బిట్రేటర్ చెప్పినట్లు ఓ వార్తాకథనం తెలిపింది.
దాని గురించి వివరంగా చెప్పినప్పటికీ కొద్ది మంది విద్యార్థులు మాత్రమే వికీపీడియా కాపీ రైట్, చౌర్యం నిబంధనలను అర్థం చేసుకోగలిగారని వ్యాఖ్యానించింది. దాంతో పైలట్ ప్రాజెక్టుకు చెందిన విద్యార్థుల్లో 266 మంది మాత్రమే మిగిలారని చెప్పింది.