• search
  • Live TV
విజయవాడ వార్తల కోసం
నోటిఫికేషన్స్ పై క్లిక్ చేయండి  

బాబుకు షాక్: చిన్నం సంచలన వ్యాఖ్య, జగన్ వైపుకు

By Srinivas
|

Chandrababu Naidu - Chinnam Ramakotaiah
విజయవాడ: తెలుగుదేశం పార్టీ అధ్యక్షుడు నారా చంద్రబాబు నాయుడుకు వరుస షాక్‌లు తగులుతున్నాయి! కృష్ణా జిల్లా నూజివీడు శాసనసభ్యుడు చిన్నం రామకోటయ్య గురువారం సంచలన వ్యాఖ్యలు చేశారు. 2014 సాధారణ ఎన్నికలలో తెలుగుదేశం పార్టీ తనకు టిక్కెట్ ఇచ్చినా తాను పోటీ చేయనని ఆయన అన్నారు. వచ్చే సాధారణ ఎన్నికలలో తెలుగుదేశం పార్టీ విజయం సాధిస్తుందన్న నమ్మకం తనకు లేదన్నారు.

తన భవిష్యత్తుపై కార్యకర్తలతో మాట్లాడిన అనంతరం నిర్ణయం తీసుకుంటానని చెప్పారు. పార్టీ మారాలనుకుంటే కార్యకర్తలతో చర్చించిన అనంతరమే నిర్ణయిస్తానని చెప్పారు. కాగా చిన్నం రామకోటయ్య తెలుగుదేశం పార్టీని వీడేందుకు సిద్ధమై పోయినట్లుగానే కనిపిస్తోంది. గత కొద్ది రోజులుగా కడప పార్లమెంటు సభ్యుడు వైయస్ జగన్మోహన్ రెడ్డి పార్టీ వైయస్సార్ కాంగ్రెసు పార్టీ నేతలు చిన్నం రామకోటయ్యతో మంతనాలు జరిపినట్లుగా వార్తలు వచ్చాయి.

ఆయన త్వరలో టిడిపికి గుడ్‌బై చెప్పి త్వరలో వైయస్సార్ కాంగ్రెసు పార్టీలో చేరే అవకాశముందనే ఊహాగానాలు వినిపిస్తున్నాయి. జిల్లా జగన్ పార్టీ సామినేని ఉదయభానుతో పాటు రాష్ట్ర స్థాయి నేతలతో చిన్నం రామకోటయ్య చర్చలు జరిపినట్లుగా వార్తలు వస్తున్నాయి. జిల్లాలో తెలుగుదేశం పార్టీ విజయానికి కృషి చేసే పరిస్థితులు లేవని, జిల్లా నేతలు తనను ఏ కార్యక్రమానికి పిలవడం లేదని, చంద్రబాబు కూడా వారి మాటలనే పరిగణలోకి తీసుకుంటున్నారని ఆయన ఆవేదనతో ఉన్నారట. అందుకే ఆయన పార్టీని వీడాలనుకుంటున్నారని అంటున్నారు.

కాగా ఈ అంశంపై చిన్నం రామకోటయ్య ఓ టివి ఛానల్‌తో స్పందించారు. తాను భవిష్యత్తులో తెలుగుదేశం పార్టీ నుండి పోటీ చేయనని మాత్రమే చెబుతున్నానని, తన నియోజకవర్గం ప్రజలకు ఏ పార్టీ ద్వారా సేవ చేయగలుగుతానని భావిస్తే తాను అదే పార్టీలో చేరతానని చెప్పారు. తనతో వైయస్సార్ కాంగ్రెసు పార్టీ నేతలు మాట్లాడరన్న వార్తలను ఆయన కొట్టి పారేశారు. తనతో ఏ పార్టీ నేతలు మాట్లాడలేదన్నారు. రాష్ట్రంలో బిజెపి, కాంగ్రెసు, వైయస్సార్ కాంగ్రెసు, సిపిఐ, సిపిఐ ఐదు పార్టీలు ఉన్నాయని, ఏ పార్టీ ద్వారా సేవ చేయగలుగుతానని భావిస్తే అందులో చేరతానని స్పష్టం చేశారు.

కాగా చిన్నంకు చంద్రబాబు ఫోన్ చేసి తొందరపాటు నిర్ణయం తీసుకోవద్దని సూచించారు. ఈ సందర్భంగా చిన్నం తన అసంతృప్తిపై వివరణ ఇచ్చారని తెలుస్తోంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Telugudesam Party Nuziveedu MLA Chinnam Ramakotaiah gave a shock to party chief Nara Chandrababu Naidu on thursday. He make contreversial on Telugudesam Party. He said, he have no hope TDP will come in to power in 2014. It seems, He may join in YSR Congress party soon.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more