వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అజిత్‌ సింగ్ నియోజకవర్గంలో పెద్దల వింత నిర్ణయాలు

By Srinivas
|
Google Oneindia TeluguNews

Bagpat district
లక్నో: ఉత్తర ప్రదేశ్‌లోని ఓ గ్రామంలో గ్రామ పెద్దలు విచిత్రమైన ఆంక్షలు పెట్టారు. ఈ గ్రామం కేంద్రమంత్రి అజిత్ సింగ్ నియోజకవర్గం అయిన బాగ్‌పత్‌లో ఉంది. ఈ గ్రామం ఎక్కడో రాష్ట్రంలోని మారుమూల ప్రాంతంలో లేదు. దేశ రాజధాని అయిన లక్నోకు సుమారు యాభై కిలోమీటర్ల దూరంలో మాత్రమే ఉంది. ఈ గ్రామంలోని పెద్దలు తీసుకున్న నిర్ణయాలు అక్కడ సంచలనం, చర్చనీయాంశమయ్యాయి.

మహిళలు సెల్‌ఫోన్‌లు ఉపయోగించకూడదు. ఎవరూ ప్రేమ వివాహాలు చేసుకోకూడదు. ఒకవేళ అలా వివాహం చేసుకుంటే వారు ఆ గ్రామంలో ఉండకూడదు. నలభై ఏళ్లలోపు మహిళలు మగవారి తోడు లేకుండా బయటకు రావద్దు. సాయంత్రం వేళల్లో అమ్మాయిలు బయటకు రావద్దు. మహిళలు, యువతులు ఇంటి నుండి బయటకు వస్తే కొంగు తల పైన కప్పుకొని రావాలి. అమ్మాయిలు, అబ్బాయిలు కలిసి తిరగరాదు.

మహిళలకే కాదు మగవారికి కొన్ని నిబంధనలు పెట్టారు గ్రామ పెద్దలు. యువకులు చెవులలో హెడ్ ఫోన్లు పెట్టుకొని రోడ్ల పైన నడవకూడదు. వరకట్నం ఇవ్వకూడదు, తీసుకోకూడదు. ఇచ్చినా తీసుకున్న కఠిన శిక్ష ఉంటుంది. గ్రామ పెద్దలు తీసుకున్న ఈ నిర్ణయాలకు గ్రామ ప్రజలంతా ఆమోద ముద్ర వేయడం గమనార్హం. అయితే ఈ పంచాయతీ నిర్ణయాలు తమ దృష్టికి వచ్చాయని, విచారణ జరిపి నివేదిక పంపవలసిందిగా స్థానిక అధికారులను ఆదేశించామని బాగ్‌‍పథ్ పోలీసు సూపరిండెంట్ తెలిపారు.

English summary
A village panchayat in Bagpat district of Uttar Pradesh has banned love marriage, barred women below 40 years of age from going out for shopping and girls from using mobile phones on the streets.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X