హామీలు నెరవేరుస్తున్నా, ఆల్ఖైదా పని ఖతం: ఒబామా
కరడు గట్టిన ఉగ్రవాది ఒసామా బిన్ లాడెన్ను నిర్మూలించామని పేర్కొన్నారు. ఉగ్రవాదులను నిర్మూలించేందుకు కఠినమైన చర్యలు తీసుకుంటామని 9/11 ఉగ్రవాద దాడుల తర్వాత నేను ప్రకటించానని, అమెరికా భద్రత కోసం ఏదైనా చేస్తామని చెప్పానని, చాలా విమర్శలు కూడా ఎదుర్కొన్నానని అన్నారు. ఆ తర్వాత మా భాగస్వాములు, మిత్రులతో కలిసి ఉగ్రవాదులను ఏరివేసేందుకు చర్యలు చేపట్టామని తెలిపారు.
బిన్ లాడెన్ను తుద ముట్టించామని, అల్కాయిదా ఉగ్రవాద సంస్థ పతనావస్థకు చేరేలా చేయగలిగామన్నారు. విదేశాలతో యుద్ధాలకు సంబంధించి జరుగుతున్న ఒక సదస్సులో ఒబామా ప్రసంగించారు. అఫ్థానిస్థాన్లో కూడా తాము చేపట్టిన ఉగ్రవాద వ్యతిరేక చర్యలను విజయవంతంగా పూర్తి చేస్తామని చెప్పారు. ప్రస్తుతం జరుగుతున్న పోరాటంలో ఉగ్రవాదులో తలపడుతున్న అమెరికా సైన్యం సేవలను ఆయన కొనియాడారు.
తాలిబన్లను నిరోధించడంలో అమెరికా సైన్యం ఎనలేని కృషి చేస్తోందన్నారు. అల్కాయిదా పని ముగించినా, తాలిబన్లను లేకుండా చేసినా ఈ తరహా యుద్ధాలలో తమ పని ముగిసినట్లు కాదని ఒబామా వ్యాఖ్యానించారు. సిరియాలో సంక్షోభాన్ని నివారించి అక్కడి ప్రజలకు మెరుగైన జీవితాన్ని అందిస్తామని ఆయన తెలిపారు.