బిలావల్తో లవ్ అఫైర్: హీనా ఆత్మహత్యాయత్నం?
హీనా రబ్బానీ ఆత్మహత్యాయత్నానికి పాల్పడినట్లు కూడా ఆ పత్రికే రాసింది. నిద్రమాత్రలు మింగి ఆమె ఆత్మహత్యా యత్నానికి ప్రయత్నించినట్లు ఆ పత్రిక రాసింది. తన లక్షాధికారి భర్త ఫిరోజ్ గుల్జార్ తన వ్యాపార భాగస్వామితో వైవాహికేతర సంబంధం నెరుపుతున్నట్లు తెలియడంతో హీనా రబ్బానీ డిప్రెషన్లోకి వెళ్లిపోయినట్లు ఆ పత్రిక రాసింది.
ఆ పత్రికా కథనం ప్రకారం - హీనాకు, గుల్జార్కు మధ్య అపనమ్మకం పెరుగుతూ వచ్చింది. దీంతో తన కన్నా 11 ఏళ్లు చిన్నవాడైన బిలావల్తో హీనా ప్రేమలో పడింది. తన భార్యకు, బిలావల్కు మధ్య ప్రేమాయణం నడుపుతున్నట్లు వచ్చిన వార్తలను హీనా భర్త గుల్జార్ ఖండించారు. పాకిస్తాన్ రాజకీయ విభేదాల కారణంగానే తన భార్యపై కుట్ర జరిగి, అటువంటి వార్తలు వచ్చాయని ఆయన అన్నారు.
హీనాకు వ్యతిరేకంగా ఐఎస్ఐ కుట్ర చేసిందని పిపిపి నాయకుడొకరు అన్నారు. అదృశ్యమైనవారిపై దర్యాప్తు చేయడానికి ఐక్యరాజ్యసమితికి వెసులుబాటు కల్పించడం వల్ల హీనాపై ఐఎస్ఎ కుట్ర చేసిందని అంటున్నారు. ఐఎస్ఐపై విమర్శలను పాకిస్తాన్ సైన్యం ఖండించింది. ఆ ఆరోపణలు నిరాధారమైవని వ్యాఖ్యానించింది.