ప్రియురాలి హత్య: ఏడ్చిన ఆస్కార్, అమ్మాయిల పిచ్చి
అమ్మాయిల పిచ్చి
అందరూ అనుకుంటున్నట్టు పిస్టోరియలస్ అంత ఉత్తముడేమీ కాదని ఆయన మాజీ ప్రియురాలు సమంత టేలర్ గత ఏడాది ఓ సందర్భంలో చెప్పింది. పిస్టోరియస్తో సమంత ప్రేమాయణం కొద్దిరోజులు కొనసాగింది. ఆ తర్వాత బెడిసికొట్టింది. ఆ తర్వాత పిస్టోరియస్ రీవాతో ప్రేమలో పడ్డాడు.
రీవా మృతి అనంతరం సమంత స్పందిస్తూ... అస్కార్ అమ్మాయిలకు దూరంగా ఉన్నాడంటే ఆశ్చర్యంగా ఉంటుందని, ఆ సమయంలో అతనితో ఆమె కాకుండా మరెవరో ఉండి ఉండవచ్చునని సందేహం వ్యక్తం చేసింది. అస్కార్కు అమ్మాయిల పిచ్చి అని సమంత చెప్పకనే చెప్పింది.
అస్కార్ గర్ళ్ ఫ్రెండ్స్ లిస్టులో రీవా, సమంతలతో పాటు జెన్నా ఎడ్కిన్స్, అనస్తాసియా కోజిసోవా, మెలిస్సా రోమ్, చానెల్లీ డుప్లెసిస్.. ఇలా పెద్ద జాబితానే ఉందట. అతనికి అమ్మాయిలతో పాటు బైక్, రేసు కార్ల పిచ్చి కూడా ఉందట. అతనికి ఫాస్ట్ కార్లంటేనే ఇష్టం. అస్కార్కు వేగంగా దూసుకెళ్లే కార్లంటే ఇష్టమని ట్రయినర్ జానీ బ్రూక్స్ తెలిపారు.
కాగా ఫిబ్రవరి 14న ప్రియుడి చేతిలో మృతి చెందిన రీవా ప్రేమికుల దినోత్సవం రోజు ట్విట్టర్లో ఓ సందేశాన్ని పోస్ట్ చేసింది. ప్రేమ కోసం ఈ రోజు మీరెలాంటి సర్ ప్రైజ్ చేయబోతున్నారని ట్వీట్ చేసింది. అదే రోజు పిస్టోరియస్ను ఆటపట్టించబోయి హత్య గావించబడింది.