కదులుతున్న కారులో యువతిపై గ్యాంగ్ రేప్

న్యూఢిల్లీ: నిర్భయ అత్యాచారంపై పెద్ద యెత్తున నిరసనలు వ్యక్తమైనా ఢిల్లీలో మహిళలపై దాష్టీకాలు, కీచక పర్వాలు ఆగడం లేదు. తాజాగా దేశ రాజధాని ఢిల్లీలో మరో సామూహిక దారుణం జరిగింది. ఇక్కడి అక్షరధామ్ ఆలయం వద్ద ఆదివారం ఉదయం మహిళను అపహరించి, ఆమెపై ప్రయాణిస్తున్న కారులో సామూహిక అత్యాచారానికి దుండగులు పాల్పడ్డారు.

అఘాయిత్యం అనంతరం బాధితురాలి(34)ని ప్రగతి మైదాన్ సమీపంలో రహదారిపై పడేసి పోయారు. కారులో మొత్తం ఆరుగురున్నారు. వారిలో ఇద్దరు మహిళలేనని తెలుస్తోంది. పైగా వారంతా తనకు తెలిసిన వారేనని బాధితురాలు తెలిపారు. పాండవనగర్ నుంచి అక్షరధామ్‌కు వెళ్తున్నపుడు అక్షరధామ్ స్టేషన్ సమీపంలో ఆదివారం ఉదయం 9 గంటల సమయంలో ఆమె అపహరణ జరిగింది.

బాధితురాలి వద్దకు వేగంగా వచ్చిన కారులోని దుండగులు ఆమెను లోపలకు లాగేసి ఎక్కించుకున్నారు. అత్యాచారం చేసిన తరువాత ఆమెను రోడ్డుపై పడేసిన దుండగులు రెండు మొబైల్ ఫోన్లను, కొన్ని నగలను కూడా దోచుకున్నారు. ఈ మేరకు పోలీసులకు ఫిర్యాదు చేసిన ఆమెను వైద్యపరీక్షలకు ఆస్పత్రికి తరలించారు. కేసు నమోదు చేసినా, ఆదివారం రాత్రి పొద్దు పోయేటప్పటికి ఎవరినీ అరెస్టు చేయలేదు.

ఈ మహిళనే గత 12 ఏళ్ల కాలంలో మూడు వేర్వేరు ఫిర్యాదులు చేసింది. తాజా ఫిర్యాదులో కూడా 2012లో చేసిన ఫిర్యాదులో పేర్కొన్న పేర్లను పేర్కొన్నట్లు పోలీసులు గుర్తించారు.

English summary

A 33-year-old woman has alleged that she was gang-raped by 4-5 men in a moving car after they abducted her near Akshardham Temple in east Delhi on Sunday. On the woman's allegations, the police registered a case at Mandawali police station but soon found that all of the accused had been named by the women in a previous rape complaint she had filed in 2012.