శ్రీశాంత్ది అబద్ధం, చెంపపై భజ్జీ కొట్టాడు: నానావతి
శ్రీశాంత్ ఏ విధమైన రెచ్చగొట్టే పనిచేయలేదని, హర్భజన్ రెండోసారి శ్రీశాంత్ చెంపపై దెబ్బ వేయడానికి ప్రయత్నించాడని, అయితే సెక్యూరిటీ గార్డులు ఆపారని నానావతి అన్నారు. శ్రీశాంత్ ముఖం కుడి పక్కన దెబ్బ వేయడానికి హర్భజన్ కుడి అరచేయి వెనకభాగాన్ని వాడినట్లు వీడియో ఫుటేజ్లో కనిపించిందని చెప్పారు. అది స్పష్టంగా ఉందని, వీడియో ఫుటేజ్లో దాన్ని చూడవచ్చునని చెప్పారు.
తాను కొట్టినట్లు హర్భజన్ తన ముందు అంగీకరించాడని, వీడియో ఫుటేజ్ని చూసిన తర్వాత తాను దిగ్భ్రాంతికి గురయ్యానని, ఆశ్చర్యపోయానని అన్నారు. ఒక్కసారి కొట్టిన తర్వాత తిరిగి మరోసారి కొట్టడానికి వెనక్కి వస్తున్న దృశ్యం, హర్బజన్ను ఇద్దరు సెక్యూరిటీ గార్డులు ఆపుతున్న దృశ్యం వీడియోలో రికార్డయిందని నానావతి చెప్పారు. టైమ్స్ నౌతో నానావతి ఆ విషయాలు చెప్పారు.
ఐదేళ్ల తర్వాత ఆ సంఘటనపై ట్వీట్ చేస్తూ శ్రీశాంత్ మరోసారి వివాదాన్ని సృష్టించాడు. ఆ సంఘటనలో తన తప్పేమీ లేదని ఆయన చెప్పాడు. హర్భజన్ను వెన్నుపోటు పొడిచే వ్యక్తిగా అతను అభివర్ణించాడు. అప్పుడు ముంబై ఇండియన్స్, కింగ్స్ ఎలెవన్ మ్యాచ్ సందర్భంగా శ్రీశాంత్ రెచ్చగొట్టే విధంగా వ్యవహరించలేదని నానావతి చెప్పారు.
తాను ప్రస్తుతం చెబుతున్న విషయాలను తాను నివేదికలో పొందుపరిచానని, నివేదిక ఇప్పటికీ తన వద్ద ఉందని, మరో ప్రతి బిసిసిఐ వద్ద ఉందని నానావతి చెప్పారు. శ్రీశాంత్ రెచ్చగొట్టే విధంగా ఏమైనా ప్రవర్తించాడా అనే విషయంపై తాను విచారణ జరిపానని చెప్పారు.