మద్దతు నాకే: బెట్టు వీడని శ్రీనివాసన్, చెన్నైపై వివరణ
పోలీసుల విచారణకు తాను అన్ని విధాలా సహకరిస్తానన్నారు. ఫిక్సింగ్ కేసులో ఇప్పటికే న్యాయపరమైన విచారణ ప్రారంభించామని, ఈ విషయంలో మీడియా అత్యుత్సాహం ప్రదర్శిస్తోందన్నారు. తన పనిని తాను చేసుకుంటూ పోతానన్నారు. తాను ఎలాంటి తప్పు చేయలేదన్నారు. చెన్నై సూపర్ కింగ్స్ జట్టు పైన మాట్లాడుతూ.. చెన్నై పైన ఆరోపణలను ఎవరు విశ్వసించరని అన్నారు.
తన రాజీనామాను బిసిసిఐ సభ్యులు ఎవరు కోరలేదన్నారు. ఫిక్సింగ్ వ్యవహారంలో తనకు ఎలాంటి సంబంధం లేదన్నారు. అధ్యక్షుడి హోదాలో తాను ఎలాంటి రూల్స్ను అధిగమించలేదన్నారు. కొద్ది రోజులుగా జరుగుతున్న వ్యవహారాలు తనను ఎంతో బాధించాయన్నారు. తన పనిని తాను నిర్వర్తించుకుంటూ పోతానని చెప్పారు. తప్పు చేసిన వారిని వదిలే ప్రసక్తి లేదని ఆయన ఈ సందర్భంగా చెప్పారు.
గురునాథ్ వ్యవహారంపై దర్యాఫ్తు కమిటీని వేశామని ఆయన చెప్పారు. అతనిపై న్యాయపరమైన చర్యలు ప్రారంభించామని చెప్పారు. స్పాట్ ఫిక్సింగ్ వ్యవహారంలో నిందితులపై కఠిన చర్యలు తీసుకుంటామన్నారు. చెన్నై సూపర్ కింగ్స్తో గురునాథ్ సంప్రదింపులు జరుపకుండా ఆంక్షలు విధించామన్నారు. బిసిసిఐలో తనకు పూర్తి మద్దతు ఉందని శ్రీనివాసన్ చెప్పారు.