వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అంకిత్ చవాన్‌కు ఊరట: జూన్ 6దాకా పెళ్లికి బెయిల్

By Pratap
|
Google Oneindia TeluguNews

న్యూఢిల్లీ: స్పాట్ ఫిక్సింగ్ కేసులో అరెస్టయిన క్రికెట్ అంకిత్ చవాన్‌కు కోర్టులో ఊరట లభించింది. పెళ్లి చేసుకునేందుకు వీలుగా ఆయనకు కోర్టు జూన్ 6వ తేదీ వరకు కోర్టు షరతులతో కూడిన బెయిల్‌ను మంజూరు చేసింది. జూన్ 2వ తేదీన తన వివాహం ఖరారైందని, వివాహం జరగకపోతే తన ప్రతిష్టతో పాటు తన వధువు ప్రతిష్ట కూడా దెబ్బ తింటుందని అంటూ తనకు వివాహం చేసుకోవడానికి బెయిల్ మంజూరు చేయాలని అంకిత్ చవాన్ కోర్టును కోరారు.

తాను తప్పు చేసినట్లు తనపై ప్రత్యక్ష సాక్ష్యాలు లేవని, తనను కేసులో ఇరికించారని అంకిత్ చవాన్ అన్నాడు. స్పాట్ ఫిక్సింగ్ కేసులో శ్రీశాంత్, అజిత్ చండిలలతో పాటు అంకిత్ చవాన్‌ను పోలీసులు మే 16వ తేదీన అరెస్టు చేశారు.

Ankeet Chavan

శ్రీశాంత్ మిత్రుడికి బెయిల్

ఇదిలావుంటే, సాక్ష్యాలను మార్చాడనే ఆరోపణపై అరెస్టయిన శ్రీశాంత్ మిత్రుడు అభిషేక్ శుక్లాకు బెయిల్ లభించింది. తమకు పాస్‌పోర్టును, 25 వేల రూపాయ బాండును సమర్పించాలని ఢిల్లీ కోర్టు శుక్లాను ఆదేశించింది. కోర్టులో ప్రవేశపెట్టడానికి ముందే శుక్లాను ముంబై తీసుకుని వెళ్లడంపై కోర్టు పోలీసులను తప్పు పట్టింది.

అభిషేక్ శుక్లా సహాయంతో పోలీసులు శ్రీశాంత్‌కు బుకీలు ముట్టజెప్పిన 5.5 లక్షల రూపాయలను స్వాధీనం చేసుకున్నారు. బుకీలు మొత్తం శ్రీశాంత్‌కు పది లక్షల రూపాయలు సమర్పించుకున్నారు. పోలీసులు పది లక్షల రూపాయల లెక్క తేల్చారు.

English summary

 Cricketer Ankeet Chavan has been granted conditional bail till June 6 for his wedding by a Delhi Court.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X