వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

బావ బ్రదర్ అనిల్ కుమార్‌ను జగన్ దూరంగా ఉంచారా?

By Srinivas
|
Google Oneindia TeluguNews

Anil Kumar and YS Jagan
హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి తన బావ, ప్రముఖ క్రైస్తవ మత ప్రచారకులు బ్రదర్ అనిల్ కుమార్‌ను దూరంగా పెట్టారా? అంటే అవుననే ప్రచారం సాగుతోంది. వైయస్ రాజశేఖర రెడ్డి ఉన్న సమయంలో అనిల్ రాష్ట్రవ్యాప్తంగా క్రైస్తవ సభలు పెట్టి ఫేమస్ అయ్యారు. ఆయన మృతి తర్వాత జగన్ పార్టీ స్థాపించిన విషయం తెలిసిందే.

క్రైస్తవ ప్రబోధనలతో నిత్యం బిజీగా ఉండే అనిల్ కుమార్ రాజకీయాల్లోకి వచ్చేందుకు ఆసక్తి కనబరుస్తున్నారంటూ గతంలో ప్రచారం కూడా సాగింది. జగన్ సోదరి, అనిల్ సతీమణి షర్మిల దాదాపు తొమ్మిది నెలలుగా పాదయాత్ర చేస్తూ ప్రజల్లో ఉంటున్నారు. ఆమె పాదయాత్ర ప్రారంభించిన కొత్తలో అనిల్ రాజకీయాలపై ఆసక్తి కనబరుస్తున్నారని, రాజకీయాల్లో క్రియాశీలంగా వ్యవహరించేందుకు ఆయన అప్పుడు దేశ, విదేశాలలోని పర్యటనలు కూడా రద్దు చేసుకున్నట్లు ప్రచారం కూడా సాగింది.

ఆ తర్వాత ఆయన రాజకీయ ఆరంగేట్రంపై ఎలాంటి వార్తలు రాలేదు. అయితే కొద్దికాలంగా అనిల్‌ను జగన్ దూరంగా ఉంచుతున్నట్లుగా సమాచారం. ఇటీవల వైయస్సార్ కాంగ్రెసు పార్టీ పైన మతపరమై రాజకీయ విమర్శలు వచ్చాయి. విజయమ్మ చేతిలో బైబిల్ పట్టుకోవడం తదితర అంశాలపై తెలుగుదేశం పార్టీ విమర్శలు గుప్పించింది. తద్వారా జగన్ పార్టీకి మతపరమైన రంగు పులిమే ప్రయత్నం జరిగింది.

ఈ నేపథ్యంలో మత బోధనలు చేసే అనిల్ కుమార్ వైయస్సార్ కాంగ్రెసు పార్టీలో చేరి క్రియాశీలకంగా మారినా, ఆయన ఇక్కడున్నా మరిన్ని రాజకీయ విమర్శలు వస్తాయని భావించిన వైయస్ జగన్మోహన్ రెడ్డి ఆయనను ప్రస్తుతానికి ఇక్కడ ఉంచకుండా వేరే చోటికి పంపించి ఉంటారని అంటున్నారు.

English summary
It is said that YSR Congress Party chief YS Jaganmohan Reddy put away Anil Kumar to YSR Congress Party to avoid allegations.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X