ఆందోళకరం: కృత్రిమ శ్వాసపై నెల్సన్ మండేలా
అయితే, నెల్సన్ మండేలా ఆరోగ్యంపై దక్షిణాఫ్రికా ప్రభుత్వం ఎలాంటి అధికారిక వైద్య బులిటెన్ను జారీ చేయలేదు. దక్షిణాఫ్రికా జాతిపిత, గాంధేయవాది, ఆ దేశ మాజీ అధ్యక్షుడు నెల్సన్ మండేలా దాదాపుగా మరణించినట్లేనని వైద్య నిపుణులు అంటున్నారు. 95 ఏళ్ల వయస్సుకు చేరుకున్న మండేలా గత యేడాదిగా పలుమార్లు అనారోగ్యంతో ఆస్పత్రి పాలవుతూ వచ్చారు.
కానీ, ఈసారి మాత్రం ఆయన ఊపిరితిత్తుల ఇన్ఫెక్షన్ విషమించి ఆందోళకర స్థితికి చేరుకున్నారు. వారం దాటినా ఇప్పటికీ మండేలాలో చలనం కనిపించలేదు. దీంతో వెంటిలేటర్పైనే ఆయన జీవిస్తున్నారు.
మరోవైపు ఆస్ట్రేలియా మంత్రి గ్యారీ గ్రే నోరు జారారు. నెల్సన్ మండేలా ఆరోగ్య పరిస్థితిని వాకబు చేయకుండానే జాతి వివక్ష వ్యతిరేక నేత మండేలా మరణించాడంటూ అన్నారు. దీనిపై పెద్దపెట్టున విమర్శలు రావడంతో ఆయన స్వయంగా దక్షిణాఫ్రికా దౌత్యాధికారిని కలిసి తాను చేసిన వ్యాఖ్యలపై క్షమాపణలు చెప్పారు.