నడి రోడ్డుపై భారీ గుంత: కారుతో సహా పడిన మహిళ
వాషింగ్టన్: అమెరికాలోని ఓహియోలో ఓ కారు గోతిలో పడింది. కారును ఓ మహిళ నడుపుతుండగా ఈ ఘటన చోటు చేసుకుంది. రక్షణ సిబ్బంది మహిళను రక్షించి, క్రేన్ సహాయంతో కారును బయటకు తీశారు. నార్త్ వెస్ట్ ఓహియో ప్రాంతంలోని ఓ జంక్షన్లో పెద్ద గుంత పడింది. అందులోనే ఆమె పడింది.
స్థానిక టోలెడో పోలీసు అధికారి జో హెఫెర్నాన్ మాట్లాడుతూ... రహదారిలో భారీ గుంత పడిందని, అది సుమారు పది ఫీట్ల లోతు ఉంటుందని చెప్పారు. రోడ్డు పైనున్న గుంతను కారును నడుపుతున్న డ్రైవర్ పమేలా నోక్స్ గుర్తించలేదని, దీంతో కారు గుంతలో పడిందని చెప్పారు.
ఈ ఘటనలో ఆమెకు ఎలాంటి గాయాలు కాలేదు. అయితే ఈ ఘటనతో ఆమె ఒక్కసారిగా భయానికి గురైంది. ఆమెను ఆసుపత్రికి తరలించారు. గోతిని ఆమె గుర్తించలేకపోయారని, అంతలోపే ఆమె కారు అందులో పడిందని చూసిన వారు చెబుతున్నారు. క్రేన్ సహాయంతో కారును బయటకు తీశారు. రోడ్డు బాగు చేసేందుకు మరికొన్ని రోజులు పడుతుందని అధికారులు చెబుతున్నారు.