మాములు బావ కాదు.. ఇద్దరు మరదళ్లతో ప్రేమాయణం, పెళ్లి కూడా..

ఈ కాలంలో ఒకరితో వేగడమే కష్టం.. ఇద్దరితో ప్రేమ.. పెళ్లి అంటే కష్టమే. చాలా మంది ఇబ్బంది పడుతుంటారు. వామ్మో అని సోషల్ మీడియాలో కామెంట్లు కూడా వస్తున్నాయి. అయితే ఓ యువకుడు ఇద్దరినీ ప్రేమించాడు. వారు అతనికి వరసకు మరదళ్లే.. ఇంకేముంది ఇద్దరికీ వ్యవహారం తెలిసింది. ఆ యువతులు కూడా పెళ్లి చేసుకోవడానికి అంగీకరించారు. ఓకే మండపంలో.. ఇద్దరినీ తన జీవితంలో ఆహ్వానించాడు. చదవడానికి.. వినడానికి వింతగా ఉన్న ఆదిలాబాద్ జిల్లాలో ఈ ఘటన జరిగింది.

మరదళ్లతో ప్రేమాయణం..

ఒకరికి తెలియకుండా మరొకరిని ప్రేమించాడో బావ. మేనత్తల కూతుళ్లు కావడంతో ఆ ఇద్దరూ ఆ బావను కూడా ఇష్టపడ్డారు. దీంతో ఏ సమస్య లేకుండా పోయింది. పెళ్లి కూడా ఇద్దరినీ చేసుకోవాలని ఉందని యువకుడు ప్రపోజల్ పెట్టాడు. ఆ ఇద్దరూ కూడా అందుకు సరేననడంతో పెద్దల అంగీకారంతో ఊరందరి సమక్షంలో సంప్రదాయబద్దంగా ఒకే మండపంలో ఇద్దరి మెడలో తాళి కట్టి ముగ్గురు ఒక్కటయ్యారు. ఆదిలాబాద్ జిల్లాలో ఉట్నూరు మండలం ఘనపూర్‌లో ఈ ఘటన జరిగింది.

మూడేళ్లుగా వ్యవహారం

ఘనపూర్​కు చెందిన అర్జున్ ఉపాధ్యాయ శిక్షణ పూర్తి చేసి ప్రస్తుతం ఇంటి వద్దే ఉంటున్నారు. అతనికి ఇద్దరు మేనత్తలు ఉన్నారు. సురేఖ, కనక ఉషారాణి అనే ఇద్దరు కూతుళ్లు కూడా ఉన్నారు. ఉషారాణిది ఘన్ పూర్ కాగా, సురేఖది శంభూగూడ గ్రామం. ఆ ఇద్దరినీ అర్జున్ ఏకకాలంలో ఒకరికి తెలియకుండా ఒకరిని మూడు ఏళ్ల నుంచి ప్రేమించాడు. నెల రోజుల క్రితం ఇద్దరినీ ప్రేమిస్తున్న సంగతి మరదళ్లకు చెప్పగా వాళ్ళు కూడా పెళ్ళికి ఒకే చెప్పారు.

గిరిజన సంప్రదాయం ప్రకారం

మూడు కుటుంబాల సభ్యులతో మాట్లాడిన ఆ ముగ్గురు.. గ్రామ పెద్దలతో మాట్లాడి వారిని పెళ్ళికి ఒప్పించారు. దీంతో పెద్దల సమక్ష్యంలో ఈ నెల 14వ తేదిన ముహుర్తం కుదుర్చుకొని ఘన్ పూర్‌లో ఆ యువకుడు ఒకే పెళ్లి పందిరిలో వివాహం చేశారు. గిరిజన సంప్రదాయం ప్రకారం ఇద్దరు యువతుల మెడలో తాళి కట్టి ఒక్కటయ్యారు. ఈ పెళ్లి జిల్లా వ్యాప్తంగా చర్చకు దారితీసింది.

English summary

men love his sister-in-laws and get married two brides. incident happen at adilabad district ghanapur village