• search
  • Live TV
అమరావతి వార్తల కోసం
నోటిఫికేషన్స్ పై క్లిక్ చేయండి  

ఏపీలో 332 కరోనా కేసులు..: ఏడుగురు మృతి

|
Google Oneindia TeluguNews

ఏపీలో కరోనా వైరస్ కేసులు క్రమంగా తగ్గుతున్నాయి. గత 24 గంటల్లో కరోనా కేసులు తగ్గాయి. 29,243 మందికి కరోనా పరీక్షలు చేశారు. 332 మందికి కరోనా పాజిటివ్ వచ్చింది. వైరస్ సోకిన ఏడుగురు చనిపోయారు. కరోనా నుంచి 585 మంది కోలుకున్నారని వైద్యారోగ్య శాఖ బులెటిన్‌లో పేర్కొంది. రాష్ట్రంలో ప్రస్తుతం 6193 యాక్టివ్ కేసులు ఉన్నాయి. కరోనా వల్ల కడప, కృష్ణా జిల్లాలో ఇద్దరు, తూర్పు గోదావరి, గుంటూరు, విశాఖపట్టణంలో ఒక్కొక్కరు చొప్పున చనిపోయారు. ఏపీలో మాత్రం కరోనా కేసులు గణనీయంగా తగ్గుతున్నాయి. 400 లోపు వరకు కేసులు రావడం కాస్త సానుకూల అంశమే.. అయితే మరణాలు మాత్రం రోజుకో కొంత సంఖ్యలో వస్తున్నాయి. ఇదీ ఒక్కటే కాస్త ఆందోళన కలిగించే అంశంగా మారింది.

ఇటు వేసవిలోనే కరోనా వైరస్ ప్రభావం ఎక్కువగా ఉంటోంది. గతేడాది సమ్మర్‌లో కరోనా ఇంపాక్ట్ ఎక్కువగానే ఉంది. ఈ సారి సెకండ్ వేవ్ వల్ల యువత పిట్టల్లా రాలిపోయారు. ముందు జాగ్రత్త చర్యల్లో భాగంగా విధిగా మాస్క్ ధరించి.. శానిటైజర్ రాసుకుంటూ కాలం వెళ్లదీయాల్సిందే. వైరస్‌ను జయించేందుకు రెండు డోసులతోపాటు బూస్టర్ డోస్ టీకా కూడా తీసుకోవాలని నిపుణులు చెబుతున్నారు. ప్రస్తుతం అయితే అందరికీ సెకండ్ డోసు ఇస్తున్నారు. ఇది పూర్తయితే దేశంలో చాలా మంది రెండు డోసులు తీసుకున్నట్టు అవుతుంది. దీంతోపాటు బూస్టర్ డోసు వేసుకోవాలని నిపుణులు సూచన చేస్తున్నారు. దీనిపై ప్రకటన రాలేదు.

332 people infected corona in andhra pradesh

ఇటు డేల్టా వేరియంట్ ఆందోళన కలిగిస్తోంది. డేల్టా ప్లస్ వేరియంట్ మరింత ప్రమాదకరం అని ప్రపంచ ఆరోగ్య సంస్థ తెలిపింది. దీంతో కరోనా కోసం మరింత పకడ్బందీగా ఉండాల్సిందే. తగిన జాగ్రత్తలు తీసుకోవాల్సిందేనని నిపుణులు చెబుతున్నారు. మరోవైపు డిసెంబర్ వరకు అప్రమత్తంగా ఉండాలని నిపుణులు సూచిస్తున్నారు. జనవరి నుంచి ఏప్రిల్ వరకు థర్డ్ వేవ్ ఇంపాక్ట్ ఉంటుందని హెచ్చరిస్తున్నారు. దానిని దాటేస్తే గానీ.. పరిస్థితి ఏంటో చెప్పలేమని ఒకవిధంగా వార్నింగ్ ఇస్తున్నారు.

English summary
last 24 hours 332 people infected coronavirus in andhra pradesh state. 7 people died due to virus health officials said
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X