చంద్రబాబు కాన్వాయ్ వెంట పరుగెత్తిన బాలుడు: ఎందుకంటే..?
అమరావతి: ఆంధ్రప్రదేశ్ ముఖ్యమంత్రి చంద్రబాబునాయుడు శనివారం ఉదయం విజయవాడ నగరంలో ఆకస్మిక తనిఖీలు చేసిన సంగతి తెలిసిందే. ఈ సందర్భంగా ఓ ఆసక్తికర ఘటన చోటు చేసుకుంది. గన్నవరం మండలం నిడమానూరులో జాతీయ రహదారిపై సీఎం కాన్వాయ్ వేగంగా వెళ్తుండగా.. దాని ముందు ట్రాఫిక్ను సరిచేస్తూ బైక్పై ఓ పోలీసు వెళ్లాడు.
ఈ నేపథ్యంలో ఆ పోలీసుకు సంబంధించిన టోపీ జారి రహదారిపై పడిపోయింది. సదరు పోలీసు దానిని గమనించకుండా ముందుకు వెళ్లిపోయాడు. ఇంతలో రహదారిపై వెళ్తున్న ఓ బాలుడు.. కిందపడిన పోలీసు టోపీని తీసి సీఎం కాన్వాయ్తో పాటు పరుగులు పెట్టాడు.
'పోలీస్ అంకుల్ మీ టోపీ'అంటూ కేకలు వేస్తూ చివరికి దానిని ఆ పోలీసుకి అందజేశాడు. తన టోపీని అంతదూరం పరుగెత్తుకుంటూ వచ్చి ఇచ్చినందుకు సదరు పోలీసు.. ఆ బాలుడిని అభినందించారు. పడిపోయిన పోలీసు టోపీ విషయంలో.. తనకెందుకులే? అని అనుకోకుండా పరుగెత్తి ఆ టోపీని అప్పజెప్పడం అభినందించదగ్గ విషయమే కదా!.