పవన్ కళ్యాణ్తో భేటీ అనంతరం చంద్రబాబును కలిసిన నటుడు అలీ, ఏకాంత భేటీ
Recommended Video
అమరావతి: ఆంధ్రప్రదేశ్ ముఖ్యమంత్రి, తెలుగుదేశం పార్టీ అధ్యక్షులు నారా చంద్రబాబు నాయుడును ప్రముఖ తెలుగు హాస్యనటుడు అలీ ఆదివారం కలిశారు. చంద్రబాబు జన్మభూమి కార్యక్రమంలో పాల్గొనేందుకు వెల్లే సమయంలో ఉండవల్లిలోని ఆయన నివాసంలో కలిశారు. చంద్రబాబుతో ఏకాంతంగా అరగంటపాటు భేటీ అయ్యారు.
చదవండి: అప్రమత్తమైన జనసేన.. హడావుడిగా పిలిపించి: జగన్-పవన్లతో భేటీపై అసలు అలీ ఏం చెప్పారు?
కాగా, అంతకుముందు ఉదయం ఆయన జనసేన అధినేత పవన్ కళ్యాణ్ను కలిశారు. అక్కడ ఆయన మీడియాతో మాట్లాడలేదు. అనంతరం చంద్రబాబుతో భేటీ కావడం గమనార్హం. ఇటీవల అలీ ఓ విమానాశ్రయంలో వైయస్సార్ కాంగ్రెస్ పార్టీ అధ్యక్షులు, ఏపీ ప్రతిపక్ష నేత వైయస్ జగన్మోహన్ రెడ్డిని కలిశారు. అప్పటి నుంచి అలీ రాజకీయ ఆరంగేట్రంపై చర్చ సాగుతోంది.
ఆయన వైసీపీలో చేరుతారని, రాజమండ్రి నుంచి పోటీ చేస్తారని ఊహాగానాలు వినిపించాయి. ఈ నేపథ్యంలో ఆదివారం ఉదయం జనసేనానిని కలిశారు. సాయంత్రం చంద్రబాబును కలిశారు. ఆయన వరుస భేటీలు చర్చనీయాంశంగా మారాయి. అలీ ప్లాన్ ఏమిటో ఎవరికీ అర్థం కావడం లేదు.