ప్రేమపేరుతో వంచన, యువతుల నగ్న వీడియోలతో బ్లాక్ మెయిల్
అమాయక యువతులను ప్రేమ పేరుతో వలవేసి పెళ్ళిచేసుకొంటానని నమ్మించి లోబర్చుకొంటాడు ఓ ప్రబుద్దుడు.అంతేకాదు తాను లొంగదీసుకొన్న యువతుల నగ్నచిత్రాలను తీసి బ్లాక్ మెయిల్ చేసేవాడు.
విజయవాడ: అమాయక యువతులను ప్రేమ పేరుతో వలవేసి పెళ్ళిచేసుకొంటానని నమ్మించి లోబర్చుకొంటాడు ఓ ప్రబుద్దుడు.అంతేకాదు తాను లొంగదీసుకొన్న యువతుల నగ్నచిత్రాలను తీసి బ్లాక్ మెయిల్ చేసేవాడు. బాధితుల ఫిర్యాదు మేరకు నిందితుడిని మంగళవారం నాడు పోలీసులు అరెస్టు చేశారు.
కృష్ణా జిల్లా బాపులపాడు మండలం శేరినర్సింగపాలెం గ్రామానికి చెందిన సింగం అనిల్ కుమార్ ప్రేమ పేరుతో యువతులకు వలవేస్తుంటాడు. అనిల్ కుమార్ వలలో పడిన యువతులను మోసం చేస్తుంటాడు.
ప్రేమ పేరుతో యువతులను వంచించి వారిని వివాహం చేసుకొంటానని నమ్మిస్తాడు. ఆ యువతులతో శారీరక సంబంధం పెట్టుకొంటాడు.
శారీరక సంబంధం పెట్టుకోవడమే కాకుండా యువతలు నగ్నచిత్రాలను, వీడియోలను సేకరిస్తాడు. యువతులతో సన్నిహితంగా ఉన్న సమయంలోనే వారికి తెలియకుండానే నగ్న చిత్రాలను రికార్డు చేస్తాడు.
ఈ నగ్న చిత్రాలను అడ్డుపెట్టుకొని యువతులను వేధించేవాడు. అనిల్ కుమార్ బారినపడిన ఓ యువతి పోలీసులకు ఫిర్యాదు చేసింది.ఈ ఫిర్యాదు ఆధారంగా రంగంలోకి దిగిన పోలీసులు నిందితుడు అనిల్ కుమార్ ను మంగళవారంనాడు అరెస్టు చేశారు. నిందితుడి నుండి సెల్ ఫోన్, ఓ ల్యాప్ టాప్ ను స్వాథీనం చేసుకొన్నారు. ఈ ల్యాప్ టాప్ లో పదిమంది యువతుల నగ్న దృశ్యాలు ఉన్నట్టు పోలీసులు గుర్తించారు.