• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కేసీఆర్ హిట్లర్- కడుపు మంటతోనే ఆ పని-చరిత్ర క్షమించదన్న ఏపీ బీజేపీ నేత విష్ణు

|

ఏపీ, తెలంగాణ మధ్య సాగుతున్న జల యుద్ధం పతాక స్ధాయికి చేరింది. ఏపీ ప్రభుత్వం రాయలసీమ లిఫ్ట్ నిర్మాణంపై అభ్యంతరాలతో మొదలైన ఈ వార్ ఆ తర్వాత ప్రాజెక్టుల్లో అక్రమంగా జల విద్యుత్ ఉత్పత్తి వరకూ వెళ్లింది. దీనిపై ఇరు ప్రభుత్వాలు, మంత్రుల మధ్య మాటల యుద్ధం కొనసాగుతోంది. ఇదే క్రమంలో ఏపీ బీజేపీ నేత విష్ణువర్ధన్ రెడ్డి తెలంగాణ ప్రభుత్వాన్నీ, సీఎం కేసీఆర్ ను ఉద్దశించి సంచలన వ్యాఖ్యలు చేశారు.

తెలంగాణ ప్రభుత్వం జల విద్యుత్ ఉత్పత్తి కోసం కృష్ణా నదిపై ఉన్న శ్రీశైలం, పులిచింతల ప్రాజెక్టుల నుంచి నీటిని విడుదల చేయడాన్ని ఏపీ బీజేపీ ప్రధాన కార్యదర్శి విష్ణువర్ధన్ రెడ్డి తీవ్రంగా తప్పుబట్టారు. తెలంగాణ ప్రభుత్వ చర్యలో వేల క్యూసెక్కుల నీరు వృథాగా సముద్రంలో కలిపిపోయిందన్నారు. అంతటితో ఆగకుండా ఆంధ్రా రైతులపై కడుపు మంటతో ఉద్దశపూర్వకంగా నీళ్లను సముద్రంలోకి పంపించిన చరిత్ర మీకు మాత్రమే దక్కుతుందంటూ కేసీఆర్ పై నిప్పులు చెరిగారు.

ap bjp leader vishnuvardhan reddy shocking comments on kcr over releasing krishna water

పులిచింతలలో తెలంగాణ జెన్ కో అసందర్భంగా, దౌర్జన్యంగా విద్యుత్ ఉత్పత్తి చేసిన కారణంగా 7400 క్యూసెక్యుల నీరు దిగువకు వస్తోందని విష్ణు ఆరోపించారు. ప్రకాశం బ్యారేజీ నుండి ఐదు గేట్ల ద్వారా 8,600 క్యూసెక్కుల నీటిని సముద్రంలోకి విడుదల చేసారు.మరిన్ని గేట్లుఎత్తి వేల క్యూసెక్కుల నీటిని సముద్రంలోకి వృధాగా పంపుతున్నారు.కెసిఆర్ గారు మీరు చేసిన అన్యాయం ఆంధ్రా రైతుకు మాత్రమే కాదు.ఈ దేశ రైతులందరికి . మీరు చరిత్రలో రైతు ద్రోహిగా నిలిచిపోతారంటూ తీవ్ర విమర్శలు చేశారు. నేటి సమాజం హిట్లర్ ను చూడలేదు,హిట్లర్ రూపంలో ఉన్న కేసీఆర్ గారిని ప్రత్యక్షంగా తెలుగురాష్ట్రాల ప్రజలు చూస్తున్నారు. చరిత్ర ఎన్నటికీ మీ అనైతిక అహంకార,పిచ్చి చర్యలను మరచిపోదు.స్వార్థ రాజకీయాల కోసం మీరు చేస్తున్న దుర్మార్గాలకు, తెలంగాణ రైతులు సైతం బుద్ది చెప్పే రోజు వస్తుందని విష్ణు హెచ్చరించారు.

English summary
andhrapradesh bjp leader vishnuvardhan reddy on today slams telangana government for releasing krishna river water unnecessarily.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X