ఏపీలో ఇంటర్ ఫలితాలు రేపే - ఏర్పాట్లు పూర్తి- రిలీజ్ టైమ్ ఇదే...

ఆంద్రప్రదేశ్ లో మార్చి 4 నుంచి 23వ తేదీ వరకూ నిర్వహించిన ఇంటర్మీడియట్ ప్రధమ, ద్వితీయ సంవత్సర పరీక్షా ఫలితాలు రేపు విడుదల కానున్నాయి. విద్యాశాఖ మంత్రి ఆదిమూలపు సురేష్ రేపు మధ్యాహ్నం 12 గంటల 30 నిమిషాల తర్వాత ఫలితాలను విడుదల చేయనున్నారు. ఈ మేరకు అధికారులు ఏర్పాట్లు పూర్తి చేశారు.

కరోనా వైరస్ వ్యాప్తి నేపథ్యంలో ఇంటర్ పరీక్షలు పూర్తయినా మూల్యాంకనంలో ఇబ్బందులు తలెత్తాయి. దీంతో కరోనా లాక్ డౌన్ సడలింపుల తర్వాత అధికారులు మూల్యాంకనం నిర్వహించారు. తాజాగా ఈ ప్రక్రియ పూర్తి కావడంతో ఫలితాల వెల్లడికి విద్యాశాఖ ఏర్పాట్లు చేస్తోంది. ఫలితాల విడుదలతో పాటు సప్లిమెంటరీ పరీక్షల నిర్వహణ, ఇతర తేదీలను కూడా విద్యామంత్రి ప్రకటించనున్నారు.

English summary

Andhra pradesh Government to release intermediate exams 2020 results tomorrow. govt has recently completed the evaluation of answer sheets and prepare to release the first and second year results.