అనుష్క హానీ ట్రాప్: అలీకి 5 రోజుల పోలీసు కస్టడీ
హైదరాబాద్: ఆర్మీకి సంబంధించిన సమాచారాన్ని పాకిస్తాన్ దేశీయురాలిగా భావిస్తున్న అనుష్క అగర్వాల్కు అందించిన కేసులో నిందితుడు ఆసిఫ్ అలీని హైదరాబాదు పోలీసులు పీటీ చట్టం కింద మీరట్ నుండి హైదరాబాదుకు తీసుకు వచ్చారు. అతనిని కోర్టు ముందు హాజరుపర్చారు.
కోర్టు ఆసిఫ్ అలీని 5 రోజుల పోలీసు కస్టడీకి అనుమతించింది. ఆసిఫ్ అలీని నగర పోలీసులు పీటీ వారెంట్ కింద హైదరాబాదుకు తీసుకు వచ్చారు.
అనుష్క అగర్వాల్కు, సమాచారం అందించారనే ఆరోపణలు ఎదుర్కొంటున్న పతన్ కుమార్ పొద్దార్, మరో వ్యక్తికి ఆసిఫ్ అలీ మధ్యవర్తిగా వ్యవహరించారు. అనుష్క చెప్పిన వారికి అతను పెద్దమొత్తంలో డబ్బులు ఇచ్చాడు. అలీ అకౌంట్లో నుండే పతన్కు, మరో జవాన్ అకౌంట్లోకి డబ్బులు వచ్చాయి. తమ కస్టడీకి ఇచ్చిన నేపథ్యంలో.. పోలీసులు గురువారం నుండి అసీఫ్ అలీని విచారించనున్నారు.
కాగా, కొద్ది రోజుల క్రితం.. ఆర్మీకి సంబంధించిన సమాచారాన్ని పాకిస్థాన్ దేశీయురాలికి చేరవేసిన సుబేదార్ పతన్ కుమార్ పొద్దార్ అరెస్టైన విషయం తెలిసిందే. పతన్ తర్వాత మరో జవాను కూడా అరెస్టయ్యాడు. అనంతరం పోలీసులు ఆసీఫ్ అలీని అరెస్టు చేశారు.