బాలయ్య నోరు అదుపులో పెట్టుకో..క్షమాపణ చెప్పు,లేదంటే!: బిజెపి విల్సన్
హైదరాబాద్: సినీ హీరో, ఎమ్మెల్యే బాలకృష్ణ నోరు అదుపులో పెట్టుకొని మాట్లాడాలని ఆంధ్రప్రదేశ్ బిజెపి అధికార ప్రతినిధి విల్సన్ అన్నారు. లేదంటే తీవ్ర పరిణామాలు ఎదుర్కోవాల్సి ఉంటుందని ఆయన హెచ్చరించారు.
ప్రదాని మోడీని ఉద్దేశించి నోటికొచ్చినట్లు మాట్లాడిన టిడిపి ఎమ్మెల్యే బాలకృష్ణ తక్షణమే క్షమాపణలు చెప్పాలని విల్సన్ డిమాండ్ చేశారు. లేనిపక్షంలో తీవ్ర పరిణామాలు ఎదుర్కోక తప్పదని విల్సన్ హెచ్చరించారు. చంద్రబాబుది ధర్మ దీక్ష కాదని... అధర్మ దీక్ష అని ఆయన విమర్శించారు.
ఆంధ్రప్రదేశ్ కు కేంద్రం చేసిన అన్యాయానికి నిరసనగా శుక్రవారం సిఎం చంద్రబాబు ధర్మదీక్ష చేపట్టిన విషయం తెలిసిందే. ఈ దీక్షలో పాల్గొన్న ఎమ్మెల్యే బాలయ్య...మోడీని ఉద్దేశించి శిఖండి రాజకీయాలు చేయొద్దని, పెద్దలను, అద్వానీని, మీ ఆవిడను గౌరవించు అంటూ వివాదాస్పద వ్యాఖ్యలు చేసిన సంగతి తెలిసిందే.