Click it and Unblock the Notifications
Just In
Don't Miss
-
Karthika Deepam 2 పారిజాతం కళ్లలో ఆనందం కోసం బంటు.. దీపను మెప్పించిన కార్తీక్ -
56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..! -
89 రన్స్ కాపాడుకోవాలంటే..ఆ అద్భుతం జరగాలి!- గిల్ -
త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!! -
సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం.. -
iPhone 16 Pro కెమెరా ఫీచర్లు లీక్! కొత్తగా Anti-Reflective టెక్నాలజీ రానుంది -
ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
పవన్‌కు చెర్రీ పోటీ: మెగా విభేదాలపై ఫ్యాన్స్‌తో డిబేట్!
హైదరాబాద్: మెగా కుటుంబంలో రాజకీయ చిచ్చు కొనసాగుతోంది! జనసేన పార్టీ అధ్యక్షులు పవర్ స్టార్ పవన్ కళ్యాణ్ విశాఖలో భారీ సభను ఏర్పాటు చేసిన రోజే కేంద్ర పర్యాటక శాఖ మంత్రి చిరంజీవి తనయుడు, హీరో రామ్ చరణ్ తేజ హైదరాబాదులో అభిమానులతో సమావేశం ఏర్పాటు చేశారు. పవన్ కొత్త పార్టీ నేపథ్యంలో ఈ సమావేశంలో రామ్ చరణ్ తేజ అభిమానుల నుండి అభిప్రాయ సేకరణ చేపట్టనున్నారని తెలుస్తోంది.
ఈ సమావేశంలో చెర్రీ... మెగా కుటుంబ సభ్యుల రాజకీయ విభేదాల పైన ఓపెన్‌గా మాట్లాడనున్నారని అంటున్నారు. అభిమానులకు అన్ని విషయాలను వివరిస్తారట. అలాగే వారి అభిప్రాయాలు కూడా తీసుకుంటారని చెబుతున్నారు. కాగా, ఎక్కువ మంది మెగా అభిమానులు మాత్రం పవన్ కళ్యాణ్ వైపే ఉన్నారనే వాదనలు ఉన్నాయి. ఈ నేపథ్యంలో చెర్రీ సమావేశానికి ఎంత మంది వస్తారు, ఏఏ ప్రాంతాల నుండి వస్తారు.. అనే ఉత్కంఠ నెలకొంది.
పలువురు మెగా అభిమానులు బాహాటంగా తాము పవన్ కళ్యాణ్‌కు మద్దతు ప్రకటిస్తామని చెప్పారు. సినిమాలకు, రాజకీయాలకు సంబంధం లేదని అభిమానులు భావిస్తున్నారు. సినిమాల పరంగా తాము చిరంజీవిని ఆయన కుటుంబ సభ్యులను అభిమానిస్తామని, రాజకీయాలకు వస్తే మాత్రం తాము పవన్ వెంట నడుస్తామని చెబుతున్నారు.
మరోవైపు, పోటీ సభ అనే అంశానని కొందరు అభిమానులు మాత్రం ఖండిస్తున్నారు. మార్చి 27న రామ్ చరణ్ పుట్టిన రోజు, ప్రతి సంవత్సరం అభిమానులు ఈ రోజు రామ్ చరణ్‌ను కలిసి విషెస్ చెప్పడం, రక్తదానం చేయడం ఆనవాయితీగా వస్తోందని అంటున్నారు. ప్రత్యేకించి పవన్ కళ్యాణ్ వైజాగ్ సభను ఉద్దేశించి ఈ మీటింగ్ ఏర్పాటు చేయడం లేదని అంటున్నారు.
కాగా, గురువారం పవన్ కళ్యాణ్ సభ నేపథ్యంలో విశాఖపట్నంలో అభిమానులు పెద్ద ఎత్తున బైక్ ర్యాలీ తీశారు. ఇక.. రామ్ చరణ్ తేజ పుట్టిన రోజు వేడుకలు బంజారాహిల్స్ లోని చిరంజీవి బ్లడ్ బ్యాంకులో అభిమానుల సమక్షంలో నిర్వహిస్తారు. అనంతరం ఫిల్మ్ కల్చరల్ క్లబ్‌లో అభిమానులతో సమావేశం ఉండనుందని సమాచారం.
