మోడీ బ్యాడ్ బాయ్.. దేవాన్ష్, నేనూ కొట్టేత్తాం, పెన్సిల్తో గీకేస్తాం.: శివప్రసాద్
న్యూఢిల్లీ: చిత్తూరు ఎంపీ శివప్రసాద్ మంగళవారం మరో వేషంలో పార్లమెంటుకు వచ్చారు. ఈసారి స్కూలుకు వెళ్లే విద్యార్థి వేషంలో వచ్చి పార్లమెంటు ఆవరణలో హడావుడి చేశారు. చిన్న పిల్లల తరహాలో మాట్లాడుతూ ప్రధాని మోడీకి చురకలంటించారు.
'దశావతారం'ని మించిపోయాడే?: వెండితెర మీద కమల్.. పొలిటికల్ తెర మీద శివప్రసాద్
తలకు స్కూల్ బ్యాగ్, ఓ చేతిలో పుస్తకాలు, మరో చేతిలో పెన్సిల్ తో ఉన్న శివప్రసాద్ వేషాన్ని చాలామంది ఆసక్తిగా తిలకించారు. ఈ సందర్భంగా శివప్రసాద్.. 'మోడీని కొట్టేత్తాం.. మోడీ ఒక బ్యాడ్ బాయ్. చంద్రబాబు తాత మా ఫ్యూచర్ కోసం కష్టపడుతుంటే, ఫండ్స్ ఇవ్వరా? స్టేటస్ ఇవ్వరా? ఏమీ ఇవ్వకపోతే ఎట్టమ్మా? ఎట్టా డెవలప్ అయ్యేది? మా ఫ్యూచర్ ఎట్లా?.' అంటూ ప్రశ్నించారు.
'దేవాన్ష్.. మేమూ ఒక టీమ్. స్టేటస్ ఇవ్వకపోతే స్కేలుతో కొట్టేస్తాం.. పెన్సిల్ తో ముఖమంతా గీకేస్తాం.. ఏమనుకుంటున్నారూ... అన్నీ ఇవ్వాల్సిందే ఏపీకి' అంటూ వ్యాఖ్యానించారు. ఐదో క్లాసు, ఆరో క్లాసు చదువుతున్న విద్యార్థులు కూడా మోడీని చూస్తే అసహ్యించుకుంటున్నారని అన్నారు. ఇప్పటికైనా రాష్ట్ర పరిస్థితిని అర్థం చేసుకుని మోడీ ప్రత్యేక మోదా కల్పించాలని అన్నారు.