'ఆది.. అంత మాట అంటావా?, రాజకీయ భవిష్యత్తు ఉండదు జాగ్రత్త!'

దళితుడైన డాక్టర్‌ ఎ.డి.అచ్చన్నను తన సిబ్బంది ఎదుటే మెంటల్‌ డాక్టర్‌ అని సంబోధించి కించపరిచాడని మండిపడ్డారు.

జమ్మలమడుగు: మంత్రి ఆదినారాయణ రెడ్డిపై దళిత సంఘాలు భగ్గుమంటున్నాయి. ఓ దళిత డాక్టరును మెంటల్ డాక్టర్ అంటూ మంత్రి సంబోధించడం వివాదం రేపుతోంది.

గతంలోను 'దళితులు శుభ్రంగా ఉండరు' అంటూ ఆదినారాయణ దళితులను కించపరిచేలా వ్యాఖ్యలు చేశారు. తాజాగా ఓ డాక్టరుపై ఆయన చేసిన వ్యాఖ్యలు దళిత సంఘాలకు ఆగ్రహం తెప్పించాయి.

శుక్రవారం సాయంత్రం జమ్మలమడుగు పాత బస్టాండులో అంబేద్కర్‌ విగ్రహం వద్ద ప్రధాన రోడ్డుపై స్థానిక ప్రజాసంఘాల నాయకుల ఆధ్వర్యంలో రాస్తారోకో నిర్వహించారు. మంత్రి ఆదిపై వారు ఆగ్రహం వ్యక్తం చేశారు. ఒంటిమిట్టలో ఒక కార్యక్రమంలో పాల్గొన్న మంత్రి.. దళితుడైన డాక్టర్‌ ఎ.డి.అచ్చన్నను తన సిబ్బంది ఎదుటే మెంటల్‌ డాక్టర్‌ అని సంబోధించి కించపరిచాడని మండిపడ్డారు.

మంత్రి వ్యాఖ్యలను ఖండిస్తున్నామన్నారు దళిత సంఘాల నాయకులు. ఇంతవరకు మంత్రి ఆదినారాయణరెడ్డికి జమ్మలమడుగులో దళితులు ఓట్లు వేసి గెలిపించారని, ఇకముందు ఆయనకు రాజకీయ భవిష్యత్తు లేకుండా చేస్తామని హెచ్చరించారు.

ఇక అనంతపురం జిల్లా కదిరిలో ఒక గిరిజన మహిళ పట్ల పోలీసులు అసభ్యంగా ప్రవర్తించడాన్ని కూడా వారు తప్పుపట్టారు. ఈ ఘటనలపై ప్రభుత్వం న్యాయ విచారణ జరిపి చర్యలు తీసుకోవాలని డిమాండ్ చేశారు.

English summary

Dalit associations condemned Minister Adi Narayana Reddy comments on a Dalit doctor,