• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు డబుల్ ప్లాన్: టీడీపీలోకి టీ మాజీ మంత్రి ముఖేష్, తలసానితో ఢీ?

By Srinivas
|

హైదరాబాద్: మాజీ మంత్రి, గ్రేటర్ హైదరాబాద్ కాంగ్రెస్ పార్టీ సీనియర్ నేత ముఖేష్ గౌడ్ తెలుగుదేశం పార్టీలో చేరవచ్చుననే ఊహాగానాలు వస్తున్నాయి. ఆయన టీడీపీలో చేరి, సనత్ నగర్ నుండి ఆ పార్టీ అభ్యర్థిగా పోటీ చేసే అవకాశాలున్నాయని అంటున్నారు.

ప్రస్తుతం కేసీఆర్ కేబినెట్లో మంత్రిగా ఉన్న తలసాని శ్రీనివాస్ యాదవ్ నిన్నటి వరకు గ్రేటర్ తెలుగుదేశం పార్టీ కీలక నేత. ఆయన కొద్ది రోజుల క్రితం తెరాసలో చేరి మంత్రి అయ్యారు. గత ఎన్నికల్లో తలసాని టీడీపీ తరఫున సనత్ నగర్ నియోజవకర్గం నుండి పోటీ చేసి గెలుపొందారు.

టీడీపీకి రాజీనామా చేసిన నేపథ్యంలో ఆయన తన శాసన సభ్యత్వానికి కూడా రాజీనామా చేశారు. దానిని సభాపతి ఆమోదించే అవకాశాలు కనిపిస్తున్నాయి. ఈ నేపథ్యంలో సనత్ నగర్ నియోజకవర్గానికి ఉప ఎన్నిక జరిగనుంది. సనత్ నగర్ నియోజకవర్గంలో ఉప ఎన్నికలు వస్తే.. అనే ఆలోచనలతో ఇప్పటి నుండి బీజేపీ, టీడీపీ, కాంగ్రెస్ పార్టీలు సమాయత్తమవుతున్నాయి.

Former minister Mukesh Goud may join in Telugudesam

ఇందులో భాగంగా గత ఎన్నికల్లో టీడీపీ తరఫున సనత్ నగర్ నుండి పోటీ చేసిన తలసాని... ఈసారి తెరాస తరఫున పోటీ చేస్తారు. ఈ నేపథ్యంలో టీడీపీ నుండి పోటీ చేసేందుకు ముఖేష్ గౌడ్‌ను తీసుకుంటున్నట్లుగా తెలుస్తోంది. తెలంగాణలో టీడీపీకీ మంచి క్యాడర్ ఉంటుంది. అయితే, తెలంగాణ వాదం నేపథ్యంలో టీడీపీ క్రమంగా బలహీనపడుతోంది.

అయితే, గ్రేటర్ హైదరాబాదులో మాత్రం టీడీపీ బలంగానే ఉందనేందుకు గత ఎన్నికల్లో టీడీపీ - బీజేపీ కూటమి ఎక్కువ సీట్లను గెలుచుకోవడమే నిదర్శనం. అయితే, నగరంలో టీడీపీలో ఎప్పటి నుండో ఉండి పార్టీ బలోపేతం కోసం కృషి చేసిన తలసాని, తీగల కృష్ణారెడ్డి వంటి వారు ఆ పార్టీని వీడి కారు ఎక్కారు.

ఈ నేపథ్యంలో గ్రేటర్‌లో టీడీపీ బలహీనపడకుండా ఉండేందుకు టీడీపీ అధ్యక్షులు నారా చంద్రబాబు నాయుడు ఇతర పార్టీల ముఖ్య నేతల వైపు దృష్టి సారిస్తున్నట్లుగా తెలుస్తోంది. ఇందులో భాగంగా ముఖేష్ గౌడ్‌ను పార్టీలోకి తీసుకుంటున్నారని అంటున్నారు.

మరోవైపు, కాంగ్రెస్ పార్టీకి నగరంలో అంతగా బలం లేనట్లుగా కనిపిస్తోన్నందున ఆయన కూడా టీడీపీ వైపు మొగ్గు చూపుతున్నారనే వాదనలు వినిపిస్తున్నాయి. గ్రేటర్‌లో టీడీపీ కార్యకర్తలు, ముఖేష్‌కు ఉన్న అండతో సనత్ నగర్‌లో గెలవడంతో పాటు హైదరాబాదులో పార్టీని పటిష్టం చేసేందుకు ఉపయోగపడుతుందని బాబు భావిస్తున్నారని సమాచారం.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Former minister Mukesh Goud may join in Telugudesam soon, to contest from SanathNagar.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more