వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

టిడిపితో మంత్రి గంటా రహస్య మంతనాలు, బుజ్జగింపు

By Srinivas
|
Google Oneindia TeluguNews

Ganta Srinivas Rao
హైదరాబాద్: తెలుగుదేశం పార్టీలో చేరేందుకు మంత్రి గంటా శ్రీనివాస రావు రంగం సిద్ధం చేసుకుంటున్నారట. గంటా టిడిపిలో చేరుతారనే ప్రచారం కొంతకాలంగా జరుగుతున్న విషయం తెలిసిందే. డిసెంబర్ నెలలో విశాఖపట్నంలో జరిగిన గంటా కూతురు పెళ్లికి తెలుగుదేశం పార్టీ అధ్యక్షులు నారా చంద్రబాబు నాయుడు హాజరయ్యారు. అయితే, ఇతర నేతలలాగే చంద్రబాబు వచ్చారని, ఆయన వచ్చినంత మాత్రాన ఆ పార్టీలో చేరుతానని కాదని గంటా చెప్పారు.

టిడిపిలో చేరిక పైన గంటా ఏం చెప్పినప్పటికీ టిడిపి నేతలతో ఆయన రహస్య మంతనాలు జరుపుతున్నారంటున్నారు. శుక్రవారం నుండి అసెంబ్లీ సమావేశాలు ప్రారంభం కానున్నాయి. తెలంగాణ ముసాయిదా బిల్లు పైన అసెంబ్లీ అభిప్రాయాన్ని 23లోగా చెప్పాలని రాష్ట్రపతి సూచించారు.

23వ తేదీ తర్వాత సీమాంధ్ర ప్రాంత కాంగ్రెసు పార్టీ నుండి పెద్ద ఎత్తున వలసలు ఉంటాయని అందరూ భావిస్తున్నారు. ముఖ్యమంత్రి కిరణ్ కుమార్ రెడ్డి కొత్త పార్టీ కోసం పలువురు వేచి చూస్తున్నారు. ఆయన పార్టీ పెట్టేందుకు ఆసక్తి కనబర్చడం లేదనే అభిప్రాయంతో పలువురు వైయస్సార్ కాంగ్రెసు, తెలుగుదేశం పార్టీల వైపు చూస్తున్నారు.

అందులో గంటా పేరు ప్రముఖంగా వినిపిస్తోంది. టిడిపిలో చేరేందుకు గంటా తన అనుచరులతో సమాలోచనలు జరపడంతో పాటు, టిడిపి నేతలతో రహస్య మంతనాలు చేస్తున్నారట. గంటా రాకను వ్యతిరేకిస్తున్న వారిని బుజ్జగించే చర్యల్లో జిల్లా నాయకులు పడ్డారట. గంటా ఈ నెల 23వ తేదీ తర్వాత టిడిపిలో చేరే అవకాశాలున్నాయంటున్నారు. ఆయనతో పాటు కొందరు ఎమ్మెల్యేలు కూడా చేరనున్నారట.

English summary
Congress Party senior leader and Minister Ganta Srinivas Rao may join in Telugudesam Party after January 23.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X