దానం కూతురు సంగీత్: ప్రియాంక చోప్రా వచ్చారా, అందుకేనా?
హైదరాబాద్: మాజీ మంత్రి, కాంగ్రెస్ పార్టీ సీనియర్ నేత దానం నాగేందర్ కూతురు సంగీత్ కార్యక్రమానికి బాలీవుడ్ నటి ప్రియాంక చోప్రా హాజరయ్యారా? అంటే అవుననే వాదనలు వినిపిస్తున్నాయి. ప్రియాంకతో పాటు పలువురు బాలీవుడ్ ప్రముఖులు హాజరైనట్లుగా తెలుస్తోంది.
అయితే, ఈ విషయమై తనకు తెలియదని, తాను సంగీత్ కార్యక్రమంలో లేనని, అందుకే ఎవరెవరు హాజరయ్యారనే విషయం తెలియదని నాగేందర్ చెప్పినట్లుగా తెలుస్తోంది. మే 3వ తేదీన గ్రాండ్ రిసెప్షన్ ఉంటుందని, ఆ సమయంలో రాజకీయ, సినీ ప్రముఖులు పాల్గొంటారని చెప్పారు.
సంగీత్లో ప్రియాంక డ్యాన్స్ కూడా చేసినట్లుగా వార్తలు వస్తున్నాయి. మరో నటి జాక్వెలిన్ కూడా డ్యాన్స్ చేసిందని తెలుస్తోంది. అయితే, ప్రియాంక డ్యాన్స్ చేసినట్లుగా చెబుతున్న ఊహాగానాలను ఆమె ప్రతినిధులు కొట్టిపారేశారంటున్నారు.
ప్రియాంక చోప్రా హైదరాబాదులో కేవలం నాలుగు గంటలు మాత్రమే ఉన్నారని, ఓ బ్రాండ్ ప్రమోషన్ కోసం వచ్చారని చెప్పారని తెలుస్తోంది.