రాత్రికి తనతో గడపాలని!: మహిళా ఉద్యోగిని చీర పట్టి లాగి, ఇలా బుక్కయ్యాడు..
రాత్రికి తనతో గడపాలంటూ ఆమెను వేధింపులకు గురిచేయడంతో.. ఆమె పోలీసులకు ఫిర్యాదు చేసింది.
న్యూఢిల్లీ: పని ప్రదేశాల్లో మహిళల పట్ల లైంగిక వేధింపులు రోజురోజుకు పెరుగుతూనే ఉన్నాయి. తాజాగా ఢిల్లీలోని ఓ హోటల్ ఉద్యోగినిపై సీనియర్ ఉద్యోగి సాగించిన వేధింపుల పర్వం సీసీటీవి ఫుటేజీ ద్వారా వెలుగుచూసింది. బాధితురాలు పోలీసులను ఆశ్రయించడంతో విషయం వెలుగులోకి వచ్చింది.
వివరాల్లోకి వెళ్తే.. ఢిల్లీలోని ఓ ఫైవ్ స్టార్ హోటల్లో బాధితురాలు(33) విధులు నిర్వహిస్తోంది. జులై 29న ఆమె పుట్టిన రోజు నాడు సీనియర్ ఉద్యోగి ఆమెను తన కేబిన్కు పిలిచాడు. క్రెడిట్ కార్డు బయటకు తీసి 'ఏం కావాలో కొనుక్కో.. నా పక్కన వచ్చి కూర్చో' అంటూ అసభ్యంగా మాట్లాడాడు.
పక్కన కూర్చోవడానికి మహిళ నిరాకరించడంతో ఆమె చీర కొంగు పట్టుకుని లాగాడు. అదే సమయంలో పక్కన ఉన్న ఇతర ఉద్యోగులను బయటకు వెళ్లాలని ఆదేశించాడు. రాత్రికి తనతో పాటు గడపాలని మహిళను వేధించాడు. మరునాడు విషయాన్ని ఆమె మానవ హక్కుల విభాగం దృష్టికి తీసుకెళ్లగా వారి నుంచి ఎలాంటి యాక్షన్ లేదు.
చివరకు భర్త సహాయంతో పోలీసులకు ఆమె ఫిర్యాదు చేసింది. సీనియర్ ఉద్యోగి వేధింపుల దృశ్యాలన్ని సీసీటీవి కెమెరాల్లో రికార్డయ్యాయి. పోలీసులకు ఫిర్యాదు చేసినట్లు తెలియడంతో హోటల్ యాజమాన్యం ఆమెను విధుల తొలగించారు. సీసీటీవి ఫుటేజీ ను ఆమెకు అందించిన మరో సహోద్యోగిని కూడా ఉద్యోగం నుంచి తీసేశారు.