సంక్రాంతి: సేద దీరిన హైదరాబాద్ రోడ్లు (పిక్చర్స్)

By Pratap

| Updated: Wednesday, January 15, 2014, 17:32 [IST]

హైదరాబాద్‌: సంక్రాంతి పర్వదినం సందర్భంగా హైదరాబాద్ రోడ్లు సేద దీరినట్లుగా కనిపించాయి. ట్రాఫిక్ రద్దీతో, హారన్ల మోతతో నిత్యం హోరుపెట్టే హైదరాబాద్ రోడ్లు ఖాళీగా కనిపించాయి. వాహనాల తాకిడి, ప్రజల పదఘట్టనలు లేక రాష్ట్ర రాజధాని హైదరాబాద్ రోడ్లు సేద దీరినట్లుగా కనిపించాయి. సంక్రాంతికి ముందు శనివారం, ఆదివారం రావడంతో ఈ ప్రభావం ఎక్కువగా కనిపించింది.

రాష్ట్ర విభజన నేపథ్యంలో హైదరాబాద్ ఎవరిదనే ప్రశ్న ఉత్పన్నమవుతున్న సమయంలో రోడ్లు ఖాళీ కావడం కూడా చర్చనీయాంశంగా మారింది. శుక్రవారం సాయంత్రం, శనివారంలో హైదరాబాదులోని ప్రజలు పల్లెబాట పట్టారు. ఆ రెండు రోజులు రైల్వే స్టేషన్లు, బస్ స్టేషన్లు రద్దీగా కనిపించాయి.

మకర సంక్రాంతి మంగళవారంనాడేనని తొలుత భావించారు. అయితే, అది బుధవారంనాటికి, అంటే 15వ తేదీకి మారింది. దీంతో బుధవారం కూడా హైదరాబాద్ రోడ్లు ప్రజల తొక్కిడి లేక నిర్మానుష్యంగా కనిపించాయి. ఉన్న కొద్ది పాటి వాహనాలు హాయిగా రోడ్ల మీద నడుస్తూ కనిపించాయి. ఆర్టీసి బస్సులు కూడా ఖాళీగా కనిపించాయి.

హైదరాబాద్ ఖాళీ 1

సంక్రాంతి పర్వదినం సందర్భంగా హైదరాబాద్ ఖాళీ కావడంతో రోడ్లు నిర్మానుష్యంగా కనిపించాయి. నిత్యం ట్రాఫిక్‌తో, హారన్ల మోతతో తల్లడిల్లే రోడ్లు సేద తీరుతున్నట్లుగా కనిపించాయి.