• search
  • Live TV
విజయవాడ వార్తల కోసం
నోటిఫికేషన్స్ పై క్లిక్ చేయండి  

జగన్..నీ ఎమ్మెల్యేను నా మీద గెలిపించు: పాదాభివందనం చేస్తా: జలీల్ ఖాన్ సవాల్..!

|

మాజీ ఎమ్మెల్యే జలీల్ ఖాన్ ముఖ్యమంత్రి జగన్ పైన సంచలన వ్యాఖ్యలు చేసారు. రాజధాని విషయంలో జ్ఞానం లేకుండా మాట్లాడుతున్నారుని మండిపడ్డారు. కళ్ళు ఉన్నవాడు.. కడుపుకి అన్నం తింటున్న వాడు రాజధాని మారుస్తా అని అనడంటూ తీవ్రంగా స్పందించారు. పరిపాలన అంతా ఒక దగ్గర నుండే జరగాలని డిమాండ్ చేసారు. 33 వేల ఎకరాలు ఇచ్చిన రైతుల పరిస్థితి ఏంటని ప్రశ్నించిన ఆయన.. సీఎం
జగన్ పతనానికి తానే నాంది పలికాడంటూ వ్యాఖ్యానించారు. అమరావతి లో రైతు సోదరులు..మహిళలు పోరాడుతున్నారని...వాళ్ళకి 13 జిల్లాల రైతులు..మహిళలు మద్దతు పలకాలిని జలీల్ ఖాన్ సూచించారు.
విశాఖ లో ప్రభుత్వ భూములు.. క్రిస్టియన్ సంస్థల భూముల మీద జగన్ కన్ను పడిందంటూ జలీల్ ఖాన్ ఆరోపించారు.

 పవన్ పై జగన్ అస్త్రంగా రాపాక : వైసీపీ కొత్త వ్యూహం : మూడు రాజధానులకు జై..! పవన్ పై జగన్ అస్త్రంగా రాపాక : వైసీపీ కొత్త వ్యూహం : మూడు రాజధానులకు జై..!

జగన్ కు జలీల్ ఖాన్ సవాల్...
2014 ఎన్నికల్లో వైసీపీ ఎమ్మెల్యే విజయవాడ పశ్చిమం నుండి జలీల్ ఖాన్ గెలిచారు. ఆ తరువాత టీడీపీలోని ఫిరాయించారు. 2019 ఎన్నికల్లో ఆయన పోటీ చేయకుండా టీడీపీ నుండి జలీల్ ఖాన్ కుమార్తె పోటీకి దిగారు. అక్కడ వైసీపీ అభ్యర్ధిగా పోటీ చేసిన వెల్లంపల్లి శ్రీనివాస రావు గెలుపొంది..జగన్ మంత్రి వర్గంలో మంత్రి అయ్యారు. ఇప్పుడు, రాజధాని వ్యవహారం పైన స్పందించిన జలీల్ ఖాన్ సీఎంకు సవాల్ చేసారు.
జగన్ నీ ఎమ్మెల్యే ని రాజీనామా చేపించి...నా మీద పోటీ చేపించి గెలిపించు..ప్రజలు నీ వైపు ఉన్నారని నిరూపించు..అంటూ సవాల్ చేసారు. నీ పరిపాలన మీద ప్రజలు ఏమంటున్నారో తెలుసుకో....అంటూ కామెంట్ చేసారు.

Jaleel Khan challenge to CM Jagan to prove his public support on capital shifting

పాదాభివందనం చేస్తా...నెత్తిన నీరు చల్లుకుంటా
ఒక్క చాన్స్ ఇవ్వండి ఏపీ ని ఇంద్ర లోకం చేస్తా అన్నాడంటూ సీఎం ను జలీల్ ఎద్దేవా చేసారు. హై పవర్ కమిటీ అంటే మేధావులు.. రిటైర్ జడ్జి లు ఉంటారు...గొర్రెల మందలా మీ మనుషులే ఉన్నారంటూ తీవ్ర వ్యాఖ్యలు చేసారు. బోస్టన్ కమిటీ కి రాజధాని పై అసలు అవగాహనా ఉందా అని ప్రశ్నించారు. మహిళలను రైతులను ఇబ్బంది పెడితే దేవుడు చూస్తూ ఉరుకోడని చెప్పుకొచ్చారు. అదే సమయంలో అమరావతి నుండి రాజధాని మార్చకుండా ఉంటే జగన్ కి పాదాభివందనం చేస్తా...నెత్తిన నీరు చల్లు కుంటా నంటూ జలీల్ ఖాన్ వ్యాఖ్యానించారు. పరిపాలన అంతా ఒకే దగ్గర నుంచి జరగాలన్నారు. రాజధాని మార్చకుండా ఉంటే జగన్‌కు పాదాభివందనం చేస్తానన్నారు. జగన్ అంటే ఉద్యోగులు భయపడుతున్నారన్నారు. అందుకే ఉద్యోగులు సైలెంట్ అయ్యారని జలీల్‌ఖాన్ పేర్కొన్నారు.

English summary
Ex Mla Jaleel Khan challenge to Cm Jagan on capital shifting. He demanded to continue capital in Amaravati. Jagan and co trying to capture lands in Vizag.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X