• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అప్పుడే: కెసిఆర్‌కు కావూరి, హింసమార్గమైనా: సబ్బం

By Srinivas
|

హైదరాబాద్/విశాఖ: పోలవరం విషయంలో తెలంగాణ రాష్ట్ర సమితి అధ్యక్షులు కల్వకుంట్ల చంద్రశేఖర రావు రాద్దాంతం చేయవద్దని కేంద్ర మాజీ మంత్రి కావూరి సాంబశివ రావు బుధవారం హితవు పలికారు. నాడు ఎలక్షన్ కోడ్ అమల్లో ఉన్నందున అప్పట్లో ఆర్డినెన్స్ జారీ చేయలేదన్నారు. విభజన విషయంలో యూపిఏ తొందరపడిందని, బిజెపి న్యాయం చేస్తామని చెప్పిందన్నారు. విస్తరణ సమయంలో మోడీ మంత్రివర్గంలో తెలంగాణకు న్యాయం జరుగుతుందని చెప్పారు.

వెంకయ్య నాయుడు, అరుణ్ జైట్లీ, సుష్మా స్వరాజ్, రవిశంకర ప్రసాద్ అప్పట్లో ప్రతిపక్షంలో ఉండగానే కేంద్ర ప్రభుత్వం ఈ విషయంలో నిర్ణయం తీసుకున్నదని తెలుసుకోవాలన్నారు. ఇంకా చాలా నిర్ణయాలు ఉన్నాయని, అవన్నీ రాష్ట్ర విభజన సందర్భంగా తీసుకున్నవేనని, వాటిని వివాదం చేయడం శుద్ధ దండగ అన్నారు. పోలవరం పేరుతో రెండు ప్రాంతాల మధ్య ఉద్రిక్తలు సృష్టించవద్దన్నారు.

Kavuri and Sabbam fires at TRS

అలా అయితేనే న్యాయం: సబ్బం

పోలవరం ముంపు గ్రామాలను ఆంధ్రలో కలిపినంత మాత్రాన ఆంధ్రప్రదేశ్‌కు న్యాయం చేసినట్లు కాదని, లక్ష కోట్ల రూపాయలు ఇవ్వాలని మాజీ ఎంపీ సబ్బం హరి అన్నారు. పోలవరం ప్రాజెక్టు నిర్మాణంతో ఎవరికీ ఇబ్బంది ఉండదన్నారు. దాన్ని ఆపే ప్రయత్నాలు చేయొద్దని తెరాసకు హితవు పలికారు.

పోలవరాన్ని అడ్డుకుంటే హింసామార్గాలకు వెనుకాడమని హెచ్చరించారు. ముంపు ప్రాంత ప్రజలను ఆదుకునేందుకు డిమాండ్ చేయొచ్చన్నారు. ముంపు ప్రాంతాలు కలపడం న్యాయబద్ధమైనది కాబట్టే చేశారన్నారు. తెరాస ముంపు ప్రాంతాలను ఆదుకునేందుకు డిమాండ్ చేయవచ్చునని చెప్పారు. విభజనలోనే తమకు అన్యాయం జరిగిందని, ఇప్పుడు పోలవరం ఆపితే ఎలా అన్నారు.

బంద్‌కు మద్దతు

పోలవరంపై కేంద్రం నిర్ణయాన్ని వ్యతిరేకిస్తూ కెసిఆర్ రేపు బంద్‌కు పిలుపునివ్వటంతో.. పలు సంఘాలు మద్దతు తెలిపాయి. తెలంగాణ పొలిటికల్ ఐకాస, తెలంగాణ ఉద్యోగ సంఘాల ఐకాస, టిఎంయూ, తెలంగాణ లాయర్స్ ఐకాస, ఆర్టీసి ఐకాస తమ మద్దతు ప్రకటించాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Kavuri Sambasiva Rao and Sabbam Hari fires at Telangana Rastra Samithi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more