నన్ను ఓడించే దమ్ముందా?, రాష్ట్రం విడ్చివెళ్తా: టీడీపీకి కొడాలి నాని సవాల్

తెలుగుదేశం పార్టీ నేత రావి వెంకటేశ్వరరావుపై గుడివాడ ఎమ్మెల్యే కొడాలి నాని తీవ్రస్తాయిలో ధ్వజమెత్తారు.

| Updated: Saturday, September 23, 2017, 10:47 [IST]

దమ్ముందా..?

అంతేగాక, ఈ సవాల్‌ను స్వీకరించే దమ్మున్న టిడిపి నేత ముందుకు రావాలని గుడివాడ ఎమ్మెల్యే కొడాలి నాని అన్నారు. రాష్ట్ర పార్టీని, డబ్బును దింపి తనను ఓడించే సత్తా ఎవరికీ లేదన్నారు. శుక్రవారం సాయంత్రం స్థానిక శరత్ థియేటర్లో ఎమ్మెల్యే కొడాలి నాని మీడియాతో మాట్లాడారు.

రావికి ఆనవాయితీగా మారింది..

వరుస ఓటమిలు చవిచూస్తున్న రావి.. గుడివాడలో చేసేది ఏమీలేదన్నారు. ఆయనకు అకస్మాత్తుగా మీడియా ముందుకు వచ్చి తనపై ఆరోపణలు చేయడం ఆనవాయతీగా మారిపోయిందన్నారు.

జగన్ యువసేన

నియోజకవర్గ ప్రజలందరికీ ఎవరెలాంటి వారో తెలుసని కొడాలి నాని అన్నారు. వచ్చే ఎన్నికల నాటికి గుడివాడ నియోజకవర్గంలో 10వేల మంది యువతతో జగన్ యువసేనను నిర్మిస్తానన్నారు. ఎమ్మెల్యే కొడాలి నానిపై ఆరోపణలు చేయడం కన్నా.. వాటిపై దర్యాప్తు ఎందుకు జరిపించలేక పోతున్నారని వైసీపీ రాష్ట్ర నేత దుక్కిపాటి శశిభూషణ్ ప్రశ్నించారు.

జైలుకెళ్లడం ఖాయం

ఇది ఇలావుండగా, వలివర్తిపాడు ప్రాంతంలో ప్రభుత్వ భూములను వైసీపీ ఎమ్మెల్యే కొడాలి నాని బినామీ పేర్లతో ఆక్రమించారని గుడివాడ టీడీపీ ఇన్‌చార్జ్ రావి వెంకటేశ్వరరావు ఆరోపించారు. భూకబ్జాలపై విచారణ జరుగుతోందన్నారు. ఆర్నెళ్లలో కొడాలి నాని జైలుకెళ్లడం ఖాయమని రావి వెంకటేశ్వరరావు వ్యాఖ్యానించారు.