• search
  • Live TV
కడప వార్తల కోసం
నోటిఫికేషన్స్ పై క్లిక్ చేయండి  

సొంతగడ్డపై వివేకా ఫ్యామిలీకి భద్రత కరవు-హంతకుల బెదిరింపులు ? సీబీఐ దర్యాప్తుతో ఒత్తిడి

|

మాజీ మంత్రి వైఎస్‌ వివేకానందరెడ్డి హత్య కేసులో సీబీఐ దర్యాప్తు చురుగ్గా సాగుతోంది. గతంతో పోలిస్తే సీబీఐ అధికారులు ఈసారి ఏ క్లూ వదలకుండా దర్యాప్తు సాగిస్తున్నారు. దీంతో వివేకా హంతకులపై ఒత్తిడి పెరుగుతోంది. కడప జిల్లా పులివెందులలోని ఇంట్లోనే హత్య జరగడం, హత్య తర్వాత చోటు చేసుకున్న పరిణామాలతో సాక్ష్యులు స్ధానికంగానే ఉండటంతో సీబీఐ వారిని సీరియస్‌గా విచారిస్తోంది. ఇందులో కీలక విషయాలు బయటపడుతున్నట్లు హంతకులకు ముచ్చెమటలు పడుతున్నాయి. అందుకే వివేకా కుటుంబాన్ని వారు బెదిరిస్తున్నట్లు తెలుస్తోంది.

 వివేకా హత్య కేసులో కీలక మలుపులు

వివేకా హత్య కేసులో కీలక మలుపులు

మాజీ మంత్రి వైఎస్‌ వివేకానందరెడ్డి హత్య కేసులో కీలక మలుపులు చోటు చేసుకుంటున్నాయి. ఇన్నాళ్లూ వైఎస్‌ కుటుంబంలో జరిగిన ఈ హత్య కేసులో సీబీఐ దర్యాప్తుపై జగన్ సర్కార్‌ మౌనంపైనే విమర్శలు రాగా... ఇప్పుడు ఏకంగా వివేకా కుటుంబానికే ప్రాణహాని ఉన్నట్లు తేలడం కలకలం రేపుతోంది. వివేకా హత్య కేసు దర్యాప్తు చేస్తున్న సీబీఐ అధికారులు గతంతో పోలిస్తే సీరియస్‌గా దృష్టిపెట్టడం, ఆరోపణలు ఎదుర్కొంటున్న వారిని, వారి కుటుంబ సభ్యుల్నీ నిశితంగా విచారిస్తుండంటంతో కొత్త కోణాలు వెలుగుచూస్తున్నాయి.

 వివేకా కుటుంబానికి బెదిరింపులు ?

వివేకా కుటుంబానికి బెదిరింపులు ?

వివేకానందరెడ్డి హత్య తర్వాత ఎప్పుడూ లేనంత స్ధాయిలో ఇప్పుడు ఆయన కుటుంబ సభ్యులు భయపడుతున్నారు. సీబీఐ దర్యాప్తు నేపథ్యంలో కొత్త నిజాలు బయటపడుతుండటం, వాటిని వివేకా కుటుంబ సభ్యులతో సరిపోల్చుకునేందుకు సీబీఐ అధికారులు ప్రయత్నిస్తుండటంతో హంతకులపై మరింత ఒత్తిడి పెరిగింది. దీంతో వారు వివేకా కుటుంబ సభ్యుల్ని బెదిరిస్తున్నట్లు తెలుస్తోంది. ఈ విషయాన్ని వివేకా కుమార్తె సునీతారెడ్డి పోలీసుల దృష్టికి తీసుకెళ్లినట్లు తెలుస్తోంది. హైప్రొఫైల్‌ కుటుంబం కావడం, బెదిరింపుల వ్యవహారం బయటికొస్తే విమర్శలు వస్తాయన్న భయంతో ఈ విషయం అధికారులు దాచిపెడుతున్నట్లు తెలుస్తోంది.

 వివేకా ఫ్యామిలీకి ప్రాణహాని

వివేకా ఫ్యామిలీకి ప్రాణహాని

వివేకా హత్య విషయంలో సీబీఐ అధికారులకు వివరాలు అందిస్తే ప్రాణాలు తీస్తామని ఆయన కుటుంబ సభ్యుల్ని హంతకులు, వారి అనుచరులు బెదిరిస్తున్నట్లు తెలుస్తోంది. దీంతో వివేకా కుమార్తె సునీతారెడ్డి తమ కుటుంబానికి ప్రాణహాని ఉందని పోలీసుల దృష్టికి తీసుకెళ్లారు. పులివెందులలో తమ కుటుంబానికి భద్రత కావాలని కోరారు. ప్రస్తుతానికి వివేకా కుమార్తె సునీతారెడ్డి హైదరాబాద్‌లో ఉంటున్నా మిగతా కుటుంబ సభ్యులు మాత్రం పులివెందులలోనే ఉంటున్నారు. దీంతో వీరికి భద్రత కల్పించేందుకు పోలీసులు ప్రయత్నిస్తున్నారు.

 వివేకా ఫ్యామిలీకి పులివెందులలో భద్రత కరవు ?

వివేకా ఫ్యామిలీకి పులివెందులలో భద్రత కరవు ?

ఒకప్పుడు పులివెందులతో పాటు కడప జిల్లాలోనే హవా కొనసాగించిన వివేకానందరెడ్డి కుటుంబానికి తాజా పరిణామాల నేపథ్యంలో సొంతగడ్డపైనే వారికి భద్రత కరవవడం సంచలనం రేపుతోంది. ముఖ్యంగా సీఎం జగన్‌ కుటుంబానికి చెందిన వారికి పులివెందులలో భద్రత లేదా అన్న ప్రశ్నలు తలెత్తుతున్నాయి. వివేకా హత్య కేసు విషయంలో ఇప్పటికే వైఎస్సార్‌ కుటుంబంలో వారిపై విమర్శలు వచ్చిన నేపథ్యంలో ఇప్పుడు పులివెందులలో తమకు భద్రత లేదని వివేకా కుమార్తె చేసిన ఫిర్యాదు స్వయంగా సీఎం జగన్‌కు కూడా ఇబ్బందికరంగా మారనుంది.

English summary
rumuours looms over threatenings to former demised minster ys vivekananda reddy family after his daughter request kadapa police for protection.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X