తాకట్టు పెట్టిన నగలతో జూదమాడిన బ్యాంకు మేనేజర్! ఓడిపోయి, ఆపైన...

చిత్తూరు: కస్టమర్లు తాకట్టుపెట్టిన నగలను జాగ్రత్తగా భద్రపరచాల్సిన ఓ బ్యాంక్ మేనేజర్ వాటిని జూదంలో పెట్టి, పోగొట్టుకుని, ఎవరికీ అనుమానం రాకుండా వాటి స్థానంలో గిల్టు నగలుంచిన ఉదంతమిది. ఈ ఘటన చిత్తూరు జిల్లాలోని వి.కోటలో చోటుచేసుకుంది.

వివరాల్లోకి వెళితే.. వి.కోటలోని ముత్తూట్ ఫైనాన్స్ బ్రాంచి మేనేజర్‌గా పనిచేస్తున్న ప్రకాశ్‌కు క్రికెట్ బెట్టింగ్ పిచ్చి ఉంది. ఈ నేపథ్యంలో అతడు తన బ్రాంచిలో కస్టమర్లు తాకట్టు పెట్టిన 2 కేజీల బంగారు నగలను క్రికెట్ బెట్టింగ్‌లో ష్యూరిటీగా పెట్టాడు.

దురదృష్టవశాత్తు ఆ బెట్టింగ్‌లో ప్రకాశ్ ఓడిపోయాడు. దీంతో ఎవరికీ అనుమానం రాకుండా ఆ నగల స్థానంలో గుట్టుచప్పుడు కాకుండా గిల్టునగలు పెట్టాడు. ఈ వ్యవహారం వెలుగు చూడడంతో చివరికి మనస్థాపం చెంది ఆత్మహత్య యత్నానికి పాల్పడ్డాడు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

English summary

Muthoot Finance Branch Manager, Prakash played cricket betting with 2 kgs of jewellery which is kept by customers in his branch. After defeat in the betting he replaced the jewellery with duplicate ones. When this was came into light he tried to commit suicide. this incident was happened recently in V.Kota of Chittoor District.