• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

దమ్ముందా, అందుకే 20మంది మావైపు: వైసిపి ఎమ్మెల్యే విందులో రోజాకు లోకేష్

|

విజయవాడ: తెలుగుదేశం పార్టీ జాతీయ ప్రధాన కార్యదర్శి నారా లోకేష్ బుధవారం నాడు వైసిపి అధ్యక్షులు, ఏపీ ప్రతిపక్ష నేత వైయస్ జగన్మోహన్ రెడ్డికి, రోజాకు సవాల్ విసిరారు. దమ్ముంటే తన పైన అవినీతి ఆరోపణలు నిరూపించాలని, అప్పుడు జైలుకెళ్తానని చెప్పారు.

నారా లోకేష్ పైన వైసిపి నేతలు, ఆ పార్టీ ఎమ్మెల్యే రోజా విమర్శలు గుప్పిస్తున్న విషయం తెలిసిందే. లోకేష్ అవినీతికి పాల్పడుతున్నారంటూ రోజా మంగళవారం కూడా మండిపడ్డారు. ఈ నేపథ్యంలో లోకేష్ ఈ రోజు స్పందించారు.

విజయవాడలో ముస్లీంలకు ఇచ్చిన ఇఫ్తార్ విందులో ఆయన పాల్గొన్నారు. లోకేష్ మాట్లాడుతూ.. ప్రతిపక్ష నాయకుడు ప్రభుత్వం పైన దుష్ప్రచారం చేస్తున్నారన్నారు. ఎన్ని కష్టాలు ఎదురైనా ఇచ్చిన మాట నిలబెట్టుకుంటామని, ముస్లీంలకు రిజర్వేషన్ సాధించి తీరుతామని చెప్పారు.

roja-lokesh

వైసిపి సంక్షేమ పథకాలను అడ్డుకుంటోందన్నారు. కులం, ప్రాంతం పేరుతో ప్రతిపక్షాలు చిచ్చుపెట్టే ప్రయత్నాలు చేస్తున్నాయన్నారు. మతాలకు అతీతంగా ప్రజలు ఐక్యమత్యంగా ఉండాలని హితవు పలికారు. ముస్లీం సోదరుల అభివృద్ధికి రూ.400 కోట్లు కేటాయించిన ఘనత తమ ప్రభుత్వానిదే అన్నారు.

అదే సమయంలో తన పైన వచ్చిన అవినీతి ఆరోపణలపై మాట్లాడుతూ.. దమ్ముంటే రుజువు చేయాలన్నారు. టిడిపిని దెబ్బతీయాలని విపక్షాలు చూస్తున్నాయన్నారు. మన చుట్టూ ఉన్న రాష్ట్రాలకు మిగులు బడ్జెట్ ఉందని, ఏపీకి మాత్రం లేదని ఆవేదన వ్యక్తం చేశారు. ఏ రాష్ట్రంలో కూడా ఇంతలా సంక్షేమ కార్యక్రమాలు లేవన్నారు.

అందుకే 20 మంది టిడిపిలోకి

హైదరాబాద్ నుంచి ఏపీకి ఉద్యోగులు తరలి రావడం సంతోషంగా ఉందని లోకేష్ అన్నారు. రికార్డ్ సమయంలో పట్టిసీమ, వెలగపూడి సచవాలయం నిర్మించామన్నారు. సీడ్ క్యాపిటల్ నిర్మాణం కూడా అంతే వేగంగా పూర్తి చేస్తామని చెప్పారు.

కావాలనే స్విస్ ఛాలెంజ్ విధానాన్ని రాద్దాంతం చేస్తున్నారన్నారు. వైయస్సార్ కాంగ్రెస్ పార్టీ అభివృద్ధిని అడ్డుకుంటోందని, అందుకే ఇరవై మంది ఎమ్మెల్యేలు ఆ పార్టీ నుంచి టిడిపిలో చేరారని చెప్పారు.

పారదర్శకంగా పని చేస్తున్న ప్రభుత్వంపై విమర్శలు గుప్పిస్తే ప్రజలు సహించరన్నారు. రాజకీయ పరిపాలనతో అభివృద్ధి సాధ్యమని నిరూపించామన్నారు. ఎలాంటి ఇబ్బంది లేకుండా 33 వేల ఎకరాలు సేకరించామన్నారు.

కాగా, విజయవాడ పంజా సెంటర్‌లో బుధవారం పశ్చిమ ఎమ్మెల్యే జలీల్ ఖాన్‌ ఆధ్వర్యంలో ఈ రంజాన్‌ తోఫా సరకుల పంపిణీ కార్యక్రమం జరిగింది.

నారా లోకేశ్‌‌తో పాటు ఏపీ మంత్రులు దేవినేని ఉమామహేశ్వర రావు, కొల్లు రవీంద్ర, ఎంపీ కేశినేని నాని, ఎమ్మెల్యే బోండా ఉమా, ఎమ్మెల్సీ బుద్దా వెంకన్న, నగర మేయర్‌ కోనేరు శ్రీధర్‌, పలువురు టిడిపి నాయకులు పాల్గొన్నారు. జలీల్ ఖాన్ కొద్ది రోజుల క్రితం వైసిపి నుంచి టిడిపిలో చేరిన విషయం తెలిసిందే.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
TDP leader Nara Lokesh challenges YS Jagan and Roja over allegations.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more