వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

విద్యార్థినుల పట్ల ఉపాధ్యాయుడి అసభ్య ప్రవర్తన:చెప్పులతో దాడి చేసిన తల్లిదండ్రులు

By Suvarnaraju
|
Google Oneindia TeluguNews

అనంతపురం:విద్యార్థులకు విద్యాబుద్ధులు నేర్పించాల్సిన ఉపాధ్యాయులే తప్పు దోవ పడుతున్న ఘటనలు ఇటీవలి కాలంలో ఎక్కువగా వెలుగుచూస్తున్న సంగతి తెలిసిందే. తాజాగా ఇదే జాబితాలో మరో ఉపాధ్యాయుడు చేరాడు.

విద్యార్థినుల పట్ల అసభ్యంగా ప్రవర్తించిన ఈ ఉపాధ్యాయుడిపై తల్లిదండ్రులు దాడి చేసి చెప్పులతో కొట్టారు. అయితే పోలీసులు బాధితులైన విద్యార్థినుల పక్షం కాకుండా నిందితుడి వైపు మాట్లాడటంతో పోలీసులతో సైతం వాగ్వాదానికి దిగినట్లు తెలుస్తోంది. ప్రసార సాధనాల్లో ఎన్ని వార్తలు వస్తున్నా...ప్రభుత్వం ఎన్ని హెచ్చరికలు చేస్తున్నా...వీటిపై అవగాహన ఉన్న అక్షరాస్యులు సైతం ఈ విధమైన అకృత్యాలకు తెగబడటంపై తల్లిదండ్రులు ఆవేదన వ్యక్తం చేస్తున్నారు.

Parents Attack On Teacher For Molesting Girl Students

వివరాల్లోకి వెళితే...అనంతపురం జిల్లా పుట్లూరు మండలం కడవకల్లు పాఠశాలలో ఇంగ్లీష్‌ నేర్పే ఉపాధ్యాయుడు చాలవేముల బాబు విద్యార్థినుల పట్ల కొంతకాలంగా అసభ్యంగా ప్రవర్తిస్తున్నాడు. నేడు కూడా ఇదే ప్రవర్తన పునరావృతం కావడంతో సమాచారం అందుకున్న విద్యార్థినుల తల్లిదండ్రులు, గ్రామస్తులు అతనిపై మూకుమ్మడిగా దాడి చేసి చెప్పులతో కొట్టారు.

అయితే ఈ సమాచారం అందుకున్న పోలీసులు అసలు ఏం జరిగిందో తెలుసుకోకుండా ఉపాధ్యాయుని సమర్థిస్తూ గ్రామస్తులను అక్కడినుంచి చెదర గొట్టేందుకు ప్రయత్నించడం గ్రామస్తులు,పోలీసుల మధ్య వాగ్వాదానికి దారితీసింది. ఇదేం అన్యాయమని గ్రామస్తులు ఆగ్రహం వ్యక్తం చేసినట్లు తెలిసింది.

English summary
Parents Attack On Teacher For Molesting Girl Students in Anathapuram district.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X