నన్ను సీఎం అనండి: అడిగి పిలిపించుకున్న పవన్, కారులోనే.. ఎందుకు నడవలేదంటే?

| Published: Monday, October 15, 2018, 22:23 [IST]

చంద్రబాబు అదే చేస్తారు

అందరూ సీఎం.. సీఎం అని నినాదాలు చేశారు. ఆ తర్వాత పవన్ స్పందిస్తూ.. ముఖ్యమంత్రి కావడం అంత తేలిక కాదని, అరిస్తే కాలేమని, ఓటు రిజిస్టర్ చేయించుకోవాలన్నారు. 2009లో వైయస్ రాజశేఖర రెడ్డి ఏం చేశారో, రాబోయే రోజుల్లో చంద్రబాబు కూడా అదే చేస్తారని, ప్రతి నియోజకవర్గంలో లక్షల ఓట్లు తీసేశారని, దాదాపు 21 లక్షల ఓట్లు తీసేశారని, దీనిలో 19 లక్షల చిల్లర ఓట్లు జనసేనవి అన్నారు.

యుద్ధం ఒక్కడిని చేయాల్సింది కాదు

18 ఏళ్లు నిండిన వారు ఓటు రిజిస్టర్ చేయించుకోండని, జనవరి 1తో 18 ఏళ్లు నిండేవారికి కూడా అక్టోబర్ 31 వరకు అవకాశం ఉందని, ప్రేమతో ఓపిక చేసుకుని ఈసేవ సెంటర్లకు వెళ్లాలని, ఆడపిల్లలను తీసుకువెళ్లండని, మార్పు రావాలంటే యుద్ధం నేను ఒక్కడిని చేయాల్సింది కాదని, మనం అందరం కలిపి చేసేదని చెప్పారు.

మా అన్నయ్యకు తెలియదు

తాను ఏమీ ఆశించకుండా తెలుగుదేశం పార్టీకి అండగా ఉంటే తనను బూతులు తిట్టించారని, తనను నిరుత్సాహపరిచి భయపెట్టాలనని చూశారని పవన్ అన్నారు. రాజమండ్రి నుంచి చెబుతున్నానని, పద్నాలుగేళ్ల వయస్సులో దేశానికి సేవ చేయడానికి నిర్ణయించుకున్నానని, మా అన్నయ్యకు తెలియదని, అమ్మ, నాన్నకే తెలుసునని చెప్పారు. రాజకీయాలను అర్థంచేసుకొని వచ్చానన్నారు.

కవాతులో పవన్ కళ్యాణ్ ఎందుకు నడవలేదంటే

కాగా, సోమవారం మధ్యాహ్నం రెండు గంటల నలభై ఐదు నిమిషాలకు పవన్ కళ్యాణ్ ధవళేశ్వరం బ్యారేజీ ఎక్కారు. వేదిక వద్దకు చేరుకోవడానికి మూడు గంటల సమయం పట్టింది. విజ్జేశ్వరం వద్ద కాన్వాయ్ మొదలైంది. ఆ వెంటనే పారా గ్లైడర్లతో స్వాగతం పలికారు. కవాతుకు చేద్దామంటే వాహనశ్రేణి దిగి అడుగు పెట్టేందుకు అవకాశం దొరకలేదు. పైగా తొక్కిసలాట జరిగే సూచనలు ఉండటంతో పోలీసులు సూచన చేశారు. దీంతో పవన్ కారులోనే కవాతులో పాల్గొన్నారు. అయితే పవన్ కవాతులో నడవలేదని, కవాతు అంటే నడక అని విమర్శలు వస్తున్నాయి. కానీ తొక్కిసలాట జరుగుతుందనే అనుమానంతో కారులో వెళ్లారు.