హోదా కోసం తిరగబడుతాం.. కేంద్రం మెడలు వంచుతాం..: పవన్
'ఆంధ్రప్రదేశ్ యువత శాంతియుత పంథాలో తమ గొంతు వినిపించాలి. కేంద్రం ఇచ్చిన ప్రత్యేక హోదా సాధన హామికి అదే పరిష్కార మార్గం" అని పవన్ తెలిపారు.
హైదరాబాద్: దక్షిణాదిపై ఉత్తరాది రాజకీయాల చిన్నచూపును ఎండగడుతూ.. ప్రత్యేక హోదా సాధన కోసం కేంద్రంపై తిరగబడతాం అంటూ జనసేన అధ్యక్షుడు పవన్ కళ్యాణ్ స్ట్రాంగ్ స్టేట్మెంట్ ఇచ్చారు.
#APDemandsSpecialStatus pic.twitter.com/NcAfOro0i3
— Pawan Kalyan (@PawanKalyan) January 23, 2017
#APDemandsSpecialStatus pic.twitter.com/aYrhnf6rIF
— Pawan Kalyan (@PawanKalyan) January 23, 2017
ఈ ఉదయం ట్విట్టర్ ద్వారా పవన్ కళ్యాణ్ స్పందించారు. జల్లికట్టు ఉద్యమస్పూర్తితో ప్రత్యేక హోదా సాధనకు ఏపీ ప్రజలు సన్నద్దం కావాల్సిన అవసరముందని తన వ్యాఖ్యల ద్వారా పవన్ తెలియజేశారు. 'తిడితే భరించాం.. విడగొట్టి గెంటేస్తే.. సహించాం.. ఇచ్చిన మాట నిలబెట్టుకోకపోతే తిరబడుతాం' అన్న విషయాన్ని ఏపీ యువత కేంద్రానికి తెలియజెప్పాలని పవన్ విజ్ఞప్తి చేశారు.
ఇక ఉత్తరాది రాజకీయాల గురించి ప్రస్తావిస్తూ.. 'గాంధీజీని ప్రేమిస్తాం.. అంబేడ్కర్ ను ఆరాధిస్తాం.. సర్దార్ పటేల్ కు సెల్యూట్ చేస్తాం.. భారత రాజ్యాంగాన్ని గౌరవిస్తాం కానీ తల ఎగరేసే ఉత్తరాది నాయకత్వం దక్షిణాది ఆత్మగౌరవాన్ని కించపరుస్తూ పోతే చూస్తూ కూర్చోం. మెడలు వంచి కింద కూర్చోబెడుతాం' అంటూ గట్టి హెచ్చరికలు జారీ చేశారు పవన్.
#APDemandsSpecialStatus ,Does the North Indian political elites know! 'How many languages are there in south'? For them we are all Madrasis!
— Pawan Kalyan (@PawanKalyan) January 23, 2017
#APDemandsSpecialStatus ,"Youth of AP"should raise their voice through peaceful protests is the only remedy ,to achieve the promised "SCS"
— Pawan Kalyan (@PawanKalyan) January 23, 2017
దక్షిణాదిలో ఎన్ని భాషలున్నాయో అసలు ఉత్తరాది నాయకులకు తెలుసా? అని ప్రశ్నించిన పవన్.. దక్షిణాది వారిన మదరాసీల అని పిలుస్తూ అవహేళన చేస్తున్నారని మండిపడ్డారు. ఏపీలో నైతికత లేని రాజకీయాలు నడుస్తున్నాయని, బాధ్యత, సమగ్రత కొరవడిందని తన ట్వీట్స్ ద్వారా పవన్ పేర్కొన్నారు.
హోదాను సాధించుకునేందుకు శాంతియుత పంథాలో యువత పోరాటం చేయాల్సిన అవసరముందని తెలిపారు. 'ఆంధ్రప్రదేశ్ యువత శాంతియుత పంథాలో తమ గొంతు వినిపించాలి. కేంద్రం ఇచ్చిన ప్రత్యేక హోదా సాధన హామికి అదే పరిష్కార మార్గం" అని పవన్ తెలిపారు.