• search
  • Live TV
గుంటూరు వార్తల కోసం
నోటిఫికేషన్స్ పై క్లిక్ చేయండి  

pawan kalyan:ధర్మవరంలో వైసీపీకి జై, జనసేనకు నై, మహిళలపై దాడులా..? పోలీసులపై పవన్ గుస్సా

|

ధర్మవరం గ్రామంలో పోలీసులు జన సైనికులపై వ్యవహరించిన తీరు సరికాదని జనసేనాని పవన్ కల్యాణ్ అన్నారు. కొద్దిరోజుల క్రితం వైసీపీ వర్గీయులు నాటకం వేస్తే సహకరించిన పోలీసులు.. జనసేన వర్గం నాటకం వేస్తే ఎందుకు దుర్మార్గంగా ప్రవర్తించారని ప్రశ్నించారు. ధర్మవరం గ్రామంలో పోలీసులు వ్యవహరించిన తీరును ఖండిస్తున్నామని పవన్ కల్యాణ్ స్పష్టంచేశారు. వారికి శాంతియుత పద్ధతితో సమాధానం చెబుతామని వెల్లడించారు.

ఇదీ విషయం..

ఇదీ విషయం..

గుంటూరు జిల్లా దుర్గి మండలం ధర్మవరంలో శనివారం జనసేన వర్గీయులు నాటక ప్రదర్శన చేస్తుండగా పోలీసులు అడ్డుకున్నారు. దీంతో గ్రామస్తులు, పోలీసుల మధ్య జరిగిన వాగ్వివాదం ఉద్రిక్తతకు దారితీసింది. తర్వాత పోలీసులు లాఠీచార్జీ చేశారు. దీంతో పలువురు మహిళలు కూడా గాయపడ్డారు. గ్రామస్తులు తిరగబడి వాహనంపై రాళ్లురువ్వడంతో పరిస్థితి చేయిదాటిపోయింది. దీంతో గురజాల డీఎస్పీ శ్రీహరిబాబు రంగంలోకి దిగడంతో గొడవ సద్దుమణిగింది. కొద్దిరోజుల క్రితం వైసీపీ వర్గీయులు నాటక ప్రదర్శించిందని.. వారికి పోలీసులు సహకరించారని గ్రామస్తులు చెప్తున్నారు.

భయాందోళన

భయాందోళన

ధర్మవరం గొడవ సందర్భంగా పోలీసుల అతిపై జనసేనాని పవన్ కల్యాణ్ స్పందించారు. పోలీసులు దాడిచేయడంతో చాలామంది భయంతో వణికిపోయారని గుర్తుచేశారు. పోలీసుల బారి నుంచి తప్పించుకునేందుకు పారిపోయారని తెలిపారు. శాంతి భద్రతలను కాపాడాల్సిన పోలీసులు శాంతికి విఘాతం కలిగించారని పేర్కొన్నారు.

నాటక ప్రదర్శనలు చేయొద్దా..?

గ్రామంలో నాటక ప్రదర్శనలు చేయొద్దా అని పవన్ ప్రశ్నించారు. అలా నాటకం ప్రదర్శించే సమయంలో జనసేన పార్టీ జెండాలు ప్రదర్శించడం నేరమా అని పవన్ నిలదీశారు. నాటకం ప్రదర్శించే సమయంలో వారిని ఆపి అడ్డుకునే హక్కు పోలీసులకు ఎవరిచ్చారని పవన్ కొశ్చన్ చేశారు.

మహిళలపై దాడులా?

మహిళలపై దాడులా?

నాటకం ప్రదర్శించే సమయంలో వారిని అడ్డుకోవడమే కాకుండా.. మహిళలని కూడా చూడకుండా దాడి చేయడం సరికాదని పవన్ కల్యాణ్ అన్నారు. అడ్డుకోవద్దని నిలదీస్తే మహిళలని కూడా చూడకుండా దాడులు చేయడం సమంజసం కాదన్నారు. నాటకం ప్రదర్శించే సమయంలో కార్యకర్తలపై దాడులు చేయమని పోలీసులకు ఎవరు అధికారం ఇచ్చారని నిలదీశారు.

చర్యలు తీసుకొండి

చర్యలు తీసుకొండి

జనసేన వర్గీయులపై దాడుల గురించి పోలీసు ఉన్నతాధికారులకు ఫిర్యాదు చేశామని తెలిపారు. దాడులు చేసిన వారిపై చర్యలు తీసుకోవాలని కోరారు. అంతేకాదు జనసేన కార్యకర్తలు నాగేశ్వరరావు, బీ రమేశ్‌ను వెంటనే విడుదల చేయాలని పవన్ కల్యాణ్ డిమాండ్ చేశారు. దీంతోపాటు 32 మందిపై నమోదుచేసిన కేసులను వెనక్కి తీసుకోవాలని తేల్చిచెప్పారు.

    Pawan Kalyan Comments On YS Jagan || విజయవాడ రండి తేల్చుకుందాం..!!
    శాంతియుత మార్గంలోనే

    శాంతియుత మార్గంలోనే

    జనసైనికులపై దాడిచేసిన వారికి శాంతియుత మార్గంలో సమాధానం చెబుతామని పవన్ కల్యాణ్ పేర్కొన్నారు. పోలీసుల దాడుల్లో గాయపడ్డ బాధితులకు జనసేన పార్టీ అండగా నిలుస్తోందని పవన్ కల్యాణ్ స్పష్టంచేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    janesena chief pawan kalyan fire on ap cm jagan mohan reddy. guntur district dharmavaram police behave biased manner
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more