డర్టీ పొలిటిక్స్: నటి మల్లికా షెరావత్పై కోర్టులో ఫిర్యాదు
హైదరాబాద్: ప్రముఖ హిందీసినీ నటి మల్లికా షేరావత్ త్వరలో విడుదల కానున్న డర్టీ పాలిటిక్స్ సినిమాలో జాతీయ పతాకాన్ని అవమానించారని, ఆమెపై చర్య తీసుకోవాలని కోరుతూ మానవ హక్కుల కార్యకర్త టి ధన్గోపాల్రావు హైదరాబాద్ కోర్టును ఆశ్రయించారు.
ఈ సినిమా నిర్మాత, నటుడు కస్తూర్ చంద్ బొకాడియా డర్టీ పాలిటిక్స్ సినిమా ప్రచారానికి సంబంధించి తొలి పోస్టర్ విడుదల చేశారని, ఆ పోస్టర్లో ఉద్దేశపూర్వకంగా జాతీయ పతాకాన్ని అవమానించిన దృశ్యం ఉందని తెలిపారు.
ఆ పోస్టర్లో అంబాసిడర్ కారు వద్ద మల్లికా షెరావత్ కూర్చొని ఉన్నారని, ఆ దృశ్యంలో జాతీయ పతాకాన్ని అగౌరవపరిచే విధంగా ఉందని పిటిషనర్ తెలిపారు. వాణిజ్య అవసరాలకు జాతీయ పతాకాన్ని ఉపయోగించరాదని, ఇలా చేయడం జాతీయ పతాకాన్ని అగౌరవపరచడమేనని తెలిపారు. ఈ
పోస్టర్ను ప్రదర్శించకుండా చూడాలని కోరారు. జాతీయ పతాకాన్ని అగౌరవపరిచిన వారిపై 1950, 1971 యాక్ట్ ప్రకారం చర్య తీసుకోవాలని కోర్టును కోరారు.