ఈడ్చుకెళ్లేవరకు వెళ్లిన సైకో వన్‌సైడ్ లవ్ : పట్టుకొని దేహశుద్ధి చేసిన స్థానికులు

పశ్చిమ గోదావరి : ప్రేమించమనే వేధింపులు ఎక్కువవుతున్నాయి. అమ్మాయిల వెంట పడటం, లవ్ చేయమని బెదిరించే ఘటనలు పెరిగిపోతున్నాయి. తాజాగా పశ్చిమ గోదావరి జిల్లా పాలకోడేరు మండలంలో ఓ సైకో యువతిని ఏకంగా కారులో ఎక్కించుకొని తీసుకెళ్లే ప్రయత్నం చేశాడు. అయితే ఆమెతో ఉన్న ఫ్రెండ్ .. స్థానికులు కలిసి యువకుడిని పట్టుకొని దేహశుద్ధి చేశారు.

ప్రేమ పేరుతో వేధింపులు

విస్సాకోడేరుకు చెందిన అనుషను కాలేశ్ అనే యువకుడు ప్రేమిస్తున్నానని వెంటపడుతున్నాడు. అందుకు ఆమె ససేమిరా ఒప్పుకోలేదు. దీంతో ఆమెను కిడ్నాప్ చేసైనా సరే లొంగదీసుకోవాలని వ్యుహరచన చేశాడు. మంగళవారం విస్సాకోడేరులో కారులో వచ్చి అనుషను బలవంతంగా కారులో ఎక్కించుకొని పోయాడు. అయితే అనుష, ఆమె స్నేహితురాలు అరుణకుమారి ప్రతిఘటించడంతో అతని ఆటలు సాగలేదు.

కారు డోర్ పట్టుకుని మరీ ..

అనుషను కారులో తీసుకెళుతుండగా .. అరుణకుమారి కారు డోర్ పట్టుకుని వేలాడింది. కానీ అతడు కారును వేగంగా పోనిచ్చాడు. ఇంతలో అరుణ .. జరిగిన విషయాన్ని స్థానికులు చెప్పడంతో వారు కారును వెంబడించారు. విస్సాకోడేరు నుంచి భీమవరం మండలం తాడేరు వరకు దాదాపు 10 కిలోమీటర్ల వెళ్లాడు. కారును వెంబడించిన స్థానికులు .. ఎట్టకేలకు పట్టుకొని, ఓ యువతి జీవితాన్ని కాపాడారు.

ఛేజ్ చేసి .. చేయ్యేసి ...

కారును ఛేజ్ చేసిన స్థానికులు కాలేశ్ కబంధహస్తాల నుంచి అనుషను రక్షించారు. అంతేకాదు కాలేశ్‌కు దేహశుద్ది చేశారు. తర్వాత పాలకోడేరు పోలీసుస్టేషన్‌లో అప్పగించారు. బాధిత యువతి ఫిర్యాదుమేరకు పోలీసులు కేసు నమోదు చేసుకొని దర్యాప్తు చేస్తున్నారు.

English summary

anusha did not agree with kalesh love proposal. than he was so angry to take her to kidnap. On Tuesday, came in the car and put anusha. anusha friend, locals are save her life