• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆర్మీ ఆస్పత్రి నుంచి డిశ్చార్జీకి కుట్ర, కేపీరెడ్డి పాత్రపై విచారణ: రాజ్‌నాథ్‌కు రఘురామ కృష్ణరాజు ఫిర్యాదు

|

హైదరాబాద్: వైయస్సార్సీపీ రెబల్ నేత, నర్సాపురం ఎంపీ రఘురామకృష్ణరాజు ఆదివారం కేంద్ర రక్షణశాఖ మంత్రి రాజ్ నాథ్‌సింగ్‌ను ఆయన నివాసంలో కలిశారు. సుమారు 20 నిమిషాలపాటు ఈ భేటీ జరిగింది. తనను సికింద్రాబాద్ ఆర్మీ ఆస్పత్రి నుంచి త్వరగా డిశ్చార్జ్ చేయడానికి దాని రిజిస్ట్రార్ పీకే రెడ్డి డాక్టర్లపై తీవ్రమైన ఒత్తిడి తెచ్చారని ఈ సందర్భంగా రఘురామ రక్షణమంత్రికి ఫిర్యాదు చేశారు.

ఆ ముగ్గురు కుట్ర చేశారన్న రఘురామ..

ఆ ముగ్గురు కుట్ర చేశారన్న రఘురామ..

టీటీడీ జేఈవో ధర్మారెడ్డి, గుంటూరు ఎస్పీ అమ్మిరెడ్డితో కలిసి కేశవరెడ్డి కుట్రపన్ని తనను ఆస్పత్రి నుంచి బలవంతంగా డిశ్చార్జ్ చేయించి, ఆ వెంటనే పోలీసులు పట్టుకుకుని ఏపీకి పట్టుకుపోయేలా ఎత్తులు వేశారని కేంద్రమంత్రికి ఇచ్చిన ఫిర్యాదు లేఖలో రఘురామ కృష్ణంరాజు ఆరోపించారు. అరెస్ట్, ఆస్పత్రి వద్ద జరిగిన పరిణామాలపై వివరించారు.

నన్ను డిశ్చార్జ్ చేసేందుకు కేపీరెడ్డిపై ధర్మారెడ్డి ఒత్తిడి: రఘురామ

నన్ను డిశ్చార్జ్ చేసేందుకు కేపీరెడ్డిపై ధర్మారెడ్డి ఒత్తిడి: రఘురామ

తాను వైద్య పరీక్షల కోసం సికింద్రాబాద్ ఆర్మీ ఆస్పత్రిలో ఉన్నప్పుడు కేపీరెడ్డి అక్కడ ఆస్పత్రి రిజిస్ట్రార్‌గా వ్యవహరిస్తున్నారని తెలిపారు. సుప్రీంకోర్టు ఆదేశాల మేరకు వైద్య పరీక్షల కోసం తనను సికింద్రాబాద్ ఆర్మీ ఆస్పత్రికి తరలించిన మరుసటి రోజే టీటీడీ అదనపు జేఈవోగా వ్యవహరిస్తున్న డిఫెన్స్ అకౌంట్స్ అండ్ ఆడిట్ సర్వీస్ అధికారి అయిన ధర్మారెడ్డి డిప్యూటేషన్ మీద 18వ తేదీన తిరుపతి నుంచి హైదరాబాద్ చేరుకున్నట్లు తనకు తెలిసిందని రఘురామ పేర్కొన్నారు. ఆ తర్వాత తనను ఆస్పత్రి నుంచి సాధ్యమైనంత త్వరగా డిశ్చార్జి చేయాలని కేపీరెడ్డిపై ఒత్తిడి తెచ్చారని తెలిపారు. ఈ క్రమంలో కేపీరెడ్డి తనను మే 24నే డిశ్చార్జీ చేయాలని డాక్టర్లపై తీవ్ర ఒత్తిడి తీసుకొచ్చారన్నారు.

15 మంది పోలీసులతో గుంటూరు ఎస్పీ అమ్మిరెడ్డి ఆస్పత్రి వద్దనే..

15 మంది పోలీసులతో గుంటూరు ఎస్పీ అమ్మిరెడ్డి ఆస్పత్రి వద్దనే..

కానీ, మరో రెండు రోజులు వైద్య చికిత్స కొనసాగించాలన్న తన అభ్యర్థన మేరకు సికింద్రాబాద్ ఆర్మీ ఆస్పత్రి డాక్టర్ల అంతిమంగా మే 26న తనను డిశ్చార్జ్ చేశారని రఘురామ వెల్లడించారు. అయితే, కేపీరెడ్డి, ధర్మారెడ్డి, గుంటూరు ఎస్పీ అమ్మిరెడ్డి కుమ్మక్కై 15 మంది పోలీసులు మూడు వాహనాలతో మిలిటరీ ఆస్పత్రి వద్ద మోహరించారని తెలిపారు. తనకు సుప్రీంకోర్టు విస్తృత బెయిల్ ఇచ్చినప్పటికీ ఆస్పత్రి నుంచి డిశ్చార్జ్ అయిన వెంటనే పట్టుకుపోవాలని కుట్రపన్నారని చెప్పారు. పోలీసుల మోహరింపు గురించి ఆరా తీసినప్పుడు ఈ కుట్ర గురించి తనకు తెలిసిందని రఘురామ తెలిపారు.

కేపీరెడ్డి పాత్రపై, తనకు వ్యతిరేక కుట్రపై దర్యాప్తు చేయాలంటూ రఘురామ

కేపీరెడ్డి పాత్రపై, తనకు వ్యతిరేక కుట్రపై దర్యాప్తు చేయాలంటూ రఘురామ

ఈ లేఖతోపాటు ఏపీ పోలీసు శాఖకు చెందిన 15 మందికి చెల్లించిన మెస్ బిల్లు జత చేశారు. ఈ మొత్తం వ్యవహారంలో కేపీరెడ్డి పాత్రపై పూర్తి స్థాయి విచారణ జరిపించాలని కేంద్రమంత్రి రాజ్‌నాథ్‌ను రఘురామ కోరారు. ఆయనకు సంబంధించిన కాల్ డేటా రికార్డును పరిశీలించి తనకు వ్యతిరేకంగా పన్నిన కుట్రలో భాగస్వాములైన ఇతరులను గుర్తించి, మొత్తం వ్యవహారంపై దర్యాప్తు జరుపాలని రఘురామ కేంద్రమంత్రిని కోరారు.

    Amaravati Land Issue : Chandrababu కు సవాల్ విసిరిన MLA Roja || Oneindia Telugu
    English summary
    Raghu Rama krishnam Raju complaint to Rajnath Singh against Army Hospital registrar KP Reddy.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X