సత్య నాదెళ్ళపై బుక్: ఆసక్తికర విషయాల ప్రస్తావన
మైక్రోసాఫ్ట్ సీఈఓ సత్య నాదెళ్ల రాసిన హిట్ రీఫ్రెష్ అనే పుస్తకం త్వరలో తెలుగు, తమిళ, హిందీ భాషల్లో విడుదలకానుంది.
అమరావతి: మైక్రోసాఫ్ట్ సీఈఓ సత్య నాదెళ్ల రాసిన హిట్ రీఫ్రెష్ అనే పుస్తకం త్వరలో తెలుగు, తమిళ, హిందీ భాషల్లో విడుదలకానుంది. ఇంగ్లిషులో బెస్ట్ సెల్లర్గా నిలిచిన ఈ పుస్తకంలో హైదరాబాద్ నుంచి అమెరికాలోని రెడ్మండ్ వరకు తన ప్రయాణాన్ని నాదెళ్ల వివరించారు.
క్లౌడ్ కంప్యూటింగ్, మైక్రోసాఫ్ట్ 365, విండోస్ 10 వంటి విప్లవాత్మక ఉత్పత్తులను తయరుచేయడంలో తన భారత మూలాలు ఎలా ఉపయోగపడ్డాయో నాదెళ్ల ఈ పుస్తకంలో వివరించారు.
హిట్ రీఫ్రెష్ హిందీ పుస్తకాన్ని హర్పర్ కొలిన్స్ ఇండియా ప్రచురిస్తుండగా, తెలుగు, తమిళ వెర్షన్లను వెస్ట్ల్యాండ్ బుక్స్ ప్రచురిస్తోంది. నవంబర్ 7న ఈ వెర్షన్లు మార్కెట్లో విడుదలకానున్నట్లు సమాచారం.
తెలుగువాడైన సత్య నాదెళ్ళ మైక్రోసాఫ్ట్ సిఈఓగా ఉన్నారు. తన ప్రస్థానాన్ని నాదెళ్ళ ఈ పుస్తకంలో వివరించారు. తెలుగు వర్షన్ అందుబాటులోకి రానుండడంతో ఆయన గురించి ఇంకా ఆసక్తికరమైన విషయాలు తెలుసుకొనే అవకాశం కలిగింది.