అనిత కు సీటు లేనట్లేనా : అమరావతిలో అసమ్మతి గళం : బాబు కీలక నిర్ణయం..!
మొదటి సారి గెలిచినా..తన నియెజకవర్గానికే కాదు. రాష్ట్ర వ్యాప్తంగా అందరి దృష్టిని ఆకర్షించారు పాయకరావుపేట టిడిపి ఎమ్మెల్యే అనిత. ఉపాధ్యాయురాలిగా పని చేస్తూ రాజకీయాల్లోకి వచ్చి తొలి ప్రయత్నంలోనే ఎమ్మెల్యే అయిన అనితకు ఈ సారి టిక్కెట్ దక్కటం అనుమానంగానే కనిపిస్తోంది. అసమ్మతి పెద్ద ఎత్తున గళం విప్పింది.
జనసేన-వామపక్షాల పొత్తు: 26 అసెంబ్లీ..4 లోక్సభ సీట్లు కావాలి : పవన్ అంగీకరించేనా..!
అనిత వద్దు..టిడిపి ముద్దు..
టిక్కెట్ల ఖరారు లో భాగంగా టిడిపి అధినేత చంద్రబాబు విశాఖ లోక్ సభ పరిధిలోని అసెంబ్లీ సెగ్మెంట్ల పై సమీక్షలు నిర్వహించారు. విశాఖ పరిధిలోని సిట్టింగ్ లకు దాదాపు తిరిగి టిక్కెట్లను ఖరారు చేసారు. అయితే, పాయకరావు పేట సిట్టింగ్ విషయంలో మాత్రం నిర్ణయం తీసుకోలేదు. కొద్ది రోజుల్లోగా సిట్టింగ్ ఎమ్మెల్యే వంగలపూడి అనితకు సీటు ఈ సారి ఇవ్వద్దంటూ పార్టీలోని వ్యతిరేక గ్రూపులు ఆందోళనలు నిర్వహిస్తున్నాయి. అనిత వద్దు..టిడిపి ముద్దు అనే నినా దంతో ప్రదర్శనలు నిర్వహించాయి. టిక్కెట్ల పై సమీక్షలు నిర్వహిస్తున్న సమయంలో ఏకంగా అమరావతిలోని ముఖ్యమంత్రి నివాసం వద్ద వారు తమ ఆందోళన కొనసాగించారు. అనితకు సీటు ఇస్తే పార్టీ ఓడిపోతుందని..అవినీతి కి పాల్పడిన అనిత కు సీటు ఇవ్వదని వారు డిమాండ్ చేసారు. ఈ వ్యవహారం ముఖ్యమంత్రి దృష్టికి వెళ్లింది. దీని పై సీయం సైతం వివరాలు సేకరించారు.
టిక్కెట్ ఇస్తే..ఓడిపోతాం..
పాయకరావు పేటలో సాగిన ఆందోళనలు అమరావతి లో కొనసాగాయి. సమన్వయ కమిటీ భేటీలోనే అనిత అభ్యర్థిత్వా న్ని వ్యతిరేకిస్తున్న నేతలంతా గళం విప్పారు. ఎమ్మెల్యే అనినీతి తారస్థాయికి చేరుకుందని, మళ్లీ ఆమెకు టికెట్ ఇస్తే ఘోరంగా ఓటమి పాలవడం ఖాయమని సమన్వయ కమిటీ భేటీలో నేతలు పార్టీ పెద్దలకు తేల్చి చెప్పారు. ఈ సమా వేశంలో ఎమ్మెల్యే అనిత- అసమ్మతి నేతల మధ్య కొద్దిసేపు వాగ్వాదం చోటు చేసుకుందని తెలిసింది. ఎమ్మెల్యే ఏ కప క్షంగా వ్యవహరిస్తోందని, నాయకులను ఏమాత్రం పట్టించుకోవడం లేదని, ప్రజలకు అందుబాటులో ఉండడం లేదం టూ అసమ్మతి నేతలు ఫిర్యాదుచేశారు.
మళ్లీ గెలుస్తానంటూ అనిత చెప్పుకొచ్చారు
వారు చెప్పేవన్ని అబద్ధాలేనని, తనకు మరోసారి అవకాశం ఇవ్వాలని ఈసారి మళ్లీ గెలుస్తానంటూ అనిత చెప్పుకొచ్చారు. అయితే, ఇప్పుడు ముఖ్యమంత్రి అసమ్మతి నేతల వాదన కాదని అనితకు సీటు ఇస్తారా..లేక అనితను కాదని మరొకరికి సీటు ఇస్తారా అనేది చూడాల్సి ఉంది.