• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కారు డ్రైవర్ నిర్వాకంతో మరోసారి వివాదంలో చిక్కుకున్న టిడిపి ఎమ్మెల్యే అనిత

|

అమరావతి:పాయకరావుపేట ఎమ్మెల్యే వంగలపూడి అనిత మరోసారి వార్తల్లో కెక్కారు. అయితే ఈసారి ఆమె నేరుగా ఏ వివాదంలో చిక్కుకోకున్నా ఆమె కారు డ్రైవర్ నిర్వాకం కారణంగా ఆమె పేరు తెర మీదకు వచ్చింది. ఇంతకీ ఏం జరిగిందంటే?...

తన బంధువుల వ్యక్తికి ఎలాగైనా ఉద్యోగం ఇప్పించుకోవాలనే ఆరాటంతో ఏకంగా ఒక సీనియర్ మంత్రి పేరిటే నకిలీ సిఫార్సు లేఖ తయారు చేసేశాడు సదరు డ్రైవర్. అయితే ఆ లేఖ తీరుతెన్నులపై అనుమానం వచ్చిన సంబంధిత శాఖ మంత్రి(ఈయన కూడా సీనియరే) నేరుగా సదరు మంత్రినే రికమండేషన్ గురించి అడిగేశారు. ఈ క్రమంలో కారు డ్రైవర్ నిర్వాకం బైటపడింది. ఇదంతా బానే ఉన్న ఇప్పుడు ఆ కారుడ్రైవర్ మీద కేసు పెట్టొద్దని ఎమ్మెల్యే అనిత ఒత్తిడి తేవడమే ఆమె పేరు కూడా బైటకు రావడానికి కారణమని అంటున్నారు. వివరాల్లోకి వెళితే...

TDP MLA Anitha car driver bogged down in controversy

సంచలన వ్యాఖ్యలతో ఎప్పుడూ వార్తల్లో నిలిచే టిడిపి ఎమ్మెల్యే వంగలపూడి అనిత కారు డ్రైవర్ అఖిల్ నిర్వాకం రాజకీయ వర్గాల్లో హాట్ టాపిక్ గా మారింది. కారణం తాను ఒక ఎమ్మెల్యేకి కారు డ్రైవర్ అయి ఉండి బంధువుల అబ్బాయికి ఉద్యోగం కోసం ఒక ఫోర్జరీ లేఖ సృష్టించి దాంతో ఏకంగా ఒకేసారి ఇద్దరు సీనియర్ మోస్ట్ మంత్రులను మోసం చేయబోయాడు. ఇంత నిర్భయంగా అతడు మంత్రులను మోసం చేసేందుకు పూనుకోవడం టిడిపిలోనూ చర్చనీయాంశంగా మారింది.

ఈ వ్యక్తికి షిఫ్ట్ ఆపరేటర్ ఉద్యోగం ఇవ్వాలంటూ ఆర్ధిక శాఖామంత్రి యనమల రామకృష్ణుడు సిఫార్సు చేస్తున్నట్లుగా విద్యుత్ శాఖా మంత్రి కళా వెంకటరావుకు నకిలీ రికమండేషన్ లెటర్ రాసేశాడు. అయితే ఆ లెటర్ తీరుతెన్నులు చూసిన మంత్రి కళా వెంకటరావు ఆలస్యం చేయకుండా వెంటనే మంత్రి యనమల దృష్టికి విషయం తీసుకువెళ్లి మీరు ఏమైనా సిఫార్స్ లేఖ పంపారా?...అని అడిగితే ఆయన లేదన్నారు. దీంతో ఈ వ్యవహారం మొత్తం తీగ లాగితే డొంక ఎమ్మెల్యే అనిత కారు డ్రైవర్ అఖిల్ వద్ద తేలింది.

ఎమ్మెల్యే డ్రైవర్ అయివుండి సాక్షాత్తూ ఇద్దరు సీనియర్ మంత్రలనే బురిడీ కొట్టించేందుకు ప్రయత్నించిన అఖిల్ పై మండిపడిన మంత్రి కళా వెంకటరావు ఈ నకిలీ లేఖపై పోలీసులకు సమాచారం ఇచ్చారు. దీంతో వెంటనే రంగంలోకి దిగిన పోలీసులు డ్రైవర్ అఖిల్ ను అదుపులోకి తీసుకున్నారట. అయితే ఆ తరువాత సీను లోకి ఎంటర్ అయిన ఎమ్మెల్యే అనిత అతనిపై తొందరపడి కేసు నమోదుచేయొద్దని...నేను వివాదం సమసిపోయేలా చూస్తానని పోలీసులపై ఒత్తిడి చేసినట్లు ప్రచారం జరుగుతోంది. మరోవైపు పోలీసులు కూడా తమకు నకిలీ లేఖపై ఏ ఫిర్యాదు అందలేదు అని చెబుతుండటం గమనార్హం. చివరకు ఈ వ్యవహారం ఎలా సర్దుబాటు అయినా ఎమ్మెల్యే అనిత పేరు మాత్రం ఈ వివాదంతో మరోసారి వార్తల్లోకెక్కేసింది.

lok-sabha-home

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Amaravathi:TDP MLA Vangalapudi Anitha name was once again placed in the news. However, this time she didn't involve in any contorvesy directly, but her name came on the news because of her car driver misdemeanor.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more