Click it and Unblock the Notifications
Just In
Don't Miss
-
IPL:ధోనీ ఫిక్సింగ్ చేశాడా..? సీఎస్కేను రెండేళ్లు ఎందుకు బ్యాన్ చేశారు..? -
పడక గదిలోకి వెళ్లందే ఆఫర్లు రావు.. టాప్ సింగర్పై మండిపడ్డ నటి కస్తూరి -
5 రూపాయల గొడవ.. చిర్రెత్తి సోషల్ మీడియాలో పోస్ట్ చేసిన ప్రయాణికుడు.. అసలేం జరిగిందంటే.!! -
Samsung నుంచి కొత్త 8K మరియు 4K AI టీవీ లు లాంచ్ అయ్యాయి! ధర, ఫీచర్లు, ఆఫర్లు -
Happy Birthday Wishes : పుట్టినరోజు శుభాకాంక్షలను ఇలా అందంగా తెలపండి.. -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
జూ.ఎన్టీఆర్‌పై టీడీపీ నేతల్లో ఇంత ప్రేమ ఉందా? జన్మదిన శుభాకాంక్షల వెల్లువ: నారా లోకేష్ సహా
అమరావతి: కొన్ని సందర్భాలు అనూహ్యంగా చోటు చేసుకుంటూ ఉంటాయి. ఏ మాత్రం ఊహకు అందలేనివి. అంచనాలకు దొరకనివి. ప్రత్యేకించి- రాజకీయాల్లో ఇలాంటి ట్విస్టులు, సంఘటనలు సంభవిస్తుండటం అనేక అనుమానాలకు దారి తీస్తుంటాయి. ఆ అనూహ్య ఘటనల వెనుక ఉన్న అర్థం.. పరమార్థం ఏమిటో చెప్పకనే చెబుతుంటాయి. తాజాగా రాష్ట్ర రాజకీయాల్లో అలాంటి సందర్భమే ఒకటి చోటు చేసుకుంది. అందరి దృష్టినీ ఆకర్షిస్తోంది. అదే- జూనియర్ ఎన్టీఆర్‌పై తెలుగుదేశం పార్టీ సీనియర్ నాయకులు, మాజీ మంత్రులు శుభాకాంక్షల వెల్లువను కురిపించడం..
జూనియర్‌ను కలుపుకొనే ప్రయత్నమా?
తెలుగుదేశం అధికారంలో ఉన్న అయిదేళ్ల పాటు ఆ పార్టీ నాయకుల కంటికి ఏ మాత్రం ఆనలేదని భావిస్తూ వస్తోన్న జూనియర్ ఎన్టీఆర్ పుట్టినరోజు సందర్భంగా ఒకరిద్దరు కీలక నాయకుల నుంచి శుభాకాంక్షలు అందడం అనూహ్య పరిణామేనని అంటున్నారు. అధికారంలో ఉన్న రోజుల్లో జూ. ఎన్టీఆర్‌ను టీడీపీ నేతలు దాదాపుగా పక్కన పెట్టేసినట్టుగానే వ్యవహరించారు. మహానాడు వంటి పార్టీ పండుగలకు ఆయనను ఆహ్వానించలేదు. మహానాడుకు జూనియర్ ఎన్టీఆర్ దూరమై చాలా కాలమైంది. పార్టీ కార్యక్రమాలకూ ఆయన హాజరు కావట్లేదు. పూర్తిస్థాయిలో సినిమాలపైనే తన దృష్టిని కేంద్రీకరించారు.
హఠాత్తుగా తెలుగుదేశం పార్టీ నాయకుల నుంచి శుభాకాంక్షలు
బుధవారం జూ.ఎన్టీఆర్ బర్త్‌డే. హఠాత్తుగా తెలుగుదేశం పార్టీ నాయకుల నుంచి ఆయనపై శుభాకాంక్షలు వెల్లువెత్తాయి. అల్లాటప్పా నాయకులు కూడా కాదు. టీడీపీ జాతీయ ప్రధాన కార్యదర్శి, మాజీమంత్రి నారా లోకేష్ మొదలుకుని నిన్న మొన్నే రాజకీయాల్లోకి అరంగేట్రం చేసిన కేశినేని శ్వేత వరకూ పలువురు సీనియర్ నాయకులు, మాజీమంత్రులు, మాజీ ఎమ్మెల్యేలు జూనియర్‌పై ప్రేమాభిమానాలను కురిపించారు. ఆయనకు జన్మదిన శుభాకాంక్షలను తెలుపుతూ ట్వీట్ల మీద ట్వీట్లు చేశారు. నారా లోకేష్‌కు పోటీగా ఎదుగుతాడనే ఉద్దేశంతోనే వ్యూహాత్మకంగా జూనియర్ ఎన్టీఆర్‌ను పార్టీకి దూరంగా ఉంచారనే విమర్శలు ఒకప్పుడు వినిపించాయి.
అప్పట్లో దూరం పెట్టిన వాళ్లే..
మాజీ ఉప ముఖ్యమంత్రి నిమ్మకాయల చినరాజప్ప, మాజీ మంత్రులు నారా లోకేష్, గంటా శ్రీనివాస్, గోరంట్ల బుచ్చయ్య చౌదరి, బోండా ఉమామహేశ్వరరావు, కేశినేని శ్వేత వంటి నాయకులు ఎన్టీఆర్‌కు శుభాకాంక్షలను తెలుపుతూ ట్వీట్లు చేయడం రాజకీయ ప్రాధాన్యతను సంతరించుకుంది. జూనియర్ ఎన్టీఆర్‌ను టీడీపీ వ్యవస్థాపకుడు, మాజీ ముఖ్యమంత్రి ఎన్టీ రామారావుతో పోల్చి మరీ శుభాకాంక్షలు చెబుతుండటం వెనుక ఉన్న పరమార్థమేంటనేది బోధపడట్లేదు. జూనియర్‌ను దగ్గరకు చేరతీసే ప్రయత్నాలకు టీడీపీ శ్రీకారం చుట్టిందనే అంటున్నారు.
Heartfelt Birthday wishes to our Tiger, who is a rare combination of hard work and talent.
— Bonda Uma #StayHomeSaveLives (@Bondauma_MLA) May 20, 2020
May you excel more in your Personal and professional life.@tarak9999#HappyBirthdayNTR pic.twitter.com/YomB0kvCkG
తెలుగు చిత్ర పరిశ్రమలో మహానటుడిగా
— Gorantla butchaiah choudary (@GORANTLA_BC) May 20, 2020
వెండి తెరపై ఒక నిప్పు కణంలా
విభిన్నమైన నటనా కౌశల్యం తో
బల్లెం లాంటి వాక్చాతుర్యం తో
అనితర సాధ్యం కాని నృత్యం తో
తెలుగుప్రేక్షకుల హృదయలని చొరగొన్న ఉత్తమ
నటుడు 'యాంగ్ టైగర్'నందమూరి తారక రామారావు గారికి జన్మదిన శుభాకాంక్షలు💐#HappyBirthdayNTR pic.twitter.com/VjhwZ3mZi8
happy birthday TIGER @tarak9999 #HappyBirthdayNTR pic.twitter.com/7HGy4CR9FG
— Ganta Srinivasa Rao (@Ganta_Srinivasa) May 20, 2020
Happy Birthday @tarak9999 Wishing you a great year ahead and best wishes to #RRRMovie. #HappyBirthdayNTR pic.twitter.com/SBJQKPhuvG
— Ram Mohan Naidu K #StayHomeSaveLives (@RamMNK) May 20, 2020
