అధినేతకి మిఠాయి: బాబు నెత్తిన తీగల లడ్డూ(పిక్చర్స్)
హైదరాబాద్: ప్రసిద్ధ బాలాపూర్ గణపతి లడ్డూ ప్రసాదాన్ని వేలంలో రూ.9.26 లక్షలకు కైవసం చేసుకున్న టికెఆర్ విద్యాసంస్థల అధినేత, తెలుగుదేశం పార్టీ సీనియర్ నాయకులు తీగల కృష్ణా రెడ్డి దానిని పార్టీ అధ్యక్షుడు నారా చంద్రబాబు నాయుడుకు అందజేశారు.
పలువురు టిడిపి నాయకులతో కలిసి ప్రత్యేక పూజలతో శాలువాతో సన్మానించి ప్రసాదాన్ని బాబుకు బహూకరించారు. 22 ఏళ్లుగా లడ్డూ వేలం జరుగుతోందని, అలా వచ్చిన నిధులను దేవాలయంతో పాటు, గ్రామాభివృద్ధికి వ్యయం చేస్తారని ఈ సందర్భంగా వారు బాబుకు వివరించారు.
బాలాపూర్ లడ్డూను రెండు రోజుల క్రితం వేలంలో తీగల కృష్ణా రెడ్డి దక్కించుకున్నారు. నిరుటి కంటే ఈ లడ్డూ ఈ ఏడాది దాదాపు రెండు లక్షలు అధికంగా పలికింది.
బాబుకు లడ్డూ
ప్రసిద్ధ బాలాపూర్ లడ్డూ ప్రసాదాన్ని తెలుగుదేశం పార్టీ అధ్యక్షుడు నారా చంద్రబాబు నాయుడుకు బహుమతిగా ఇచ్చిన తీగల కృష్ణా రెడ్డి.
బాబు నెత్తిన లడ్డూ
బాలాపూర్ లడ్డూ ప్రసాదాన్ని టిడిపి నేత, టికెఆర్ విద్యాసంస్థల చైర్మన్ తీగల కృష్ణా రెడ్డి రూ.9.26 లక్షలకు దక్కించుకున్నారు. దీనిని బాబుకు ఇచ్చారు.
బాబు ప్రసాదం స్వీకరణ
ప్రసిద్ధ బాలాపూర్ లడ్డూ ప్రసాదాన్ని స్వీకరిస్తున్న తెలుగుదేశం పార్టీ అధ్యక్షుడు నారా చంద్రబాబు నాయుడు. దీనిని తీగల కృష్ణా రెడ్డి ఇచ్చారు.
తీగలకు తినిపిస్తున్న దృశ్యం
తనకు బహూకరించిన ప్రసిద్ధ బాలాపూర్ గణనాథుడి లడ్డూ ప్రసాదాన్ని తీగల కృష్ణా రెడ్డికి తినిపిస్తున్న టిడిపి అధ్యక్షుడు నారా చంద్రబాబు నాయుడు.