వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

సీఎం జగన్‌ది ఎంత గొప్ప మనసో... సోషల్ మీడియాలో ఆ వీడియో వైరల్...

|
Google Oneindia TeluguNews

ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి మరోసారి తన గొప్ప మనసు చాటుకున్నారు. గంగిరెద్దు తల ఇనుప రాడ్డుకు తగలకుండా తన చేతిని అడ్డుపెట్టారు. శుక్రవారం గుంటూరు జిల్లా నరసారావుపేట మున్సిపల్ స్టేడియంలో నిర్వహించిన గోపూజ మహోత్సవంలో ఈ ఘటన చోటు చేసుకుంది.

స్టేడియంలో ఏర్పాటు చేసిన స్టాల్స్‌ను ఒక్కొక్కటిగా సందర్శిస్తూ సీఎం జగన్ ముందుకు సాగుతున్న క్రమంలో అక్కడే వున్న ఓ గంగిరెద్దును చూసి ఆగిపోయారు. ఈ సందర్భంగా సీఎం జగన్‌ను దీవించాలని ఆ గంగిరెద్దును ఆడించే వ్యక్తి దాన్ని కోరాడు. దీంతో ఆ బసవన్న సీఎం జగన్‌ను ఆశీర్వదిస్తున్నట్లుగా తలను ఆడించింది. అయితే అక్కడ ఇనుప బారికేడ్ అడ్డుగా ఉండటం... దాని రాడ్డు బసవన్న తలకు తగిలే అవకాశం ఉండటంతో జగన్ తన చేతిని అడ్డుపెట్టారు. బసవన్న తలను పక్కకు జరిపి దానికి ఆ రాడ్డు తగలకుండా చేశారు. ఈ చర్యతో దాని కాపరి జగన్‌కు చేతులెత్తి నమస్కరించాడు.దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

viral video of cm jagan saves a bull from getting hurt

ఈ వీడియో చూసిన నెటిజన్లు జగన్‌ను ప్రశంసలతో ముంచెత్తుతున్నారు. జగన్‌ మనసు గొప్పదని పొగుడుతున్నారు. మూగజీవాల మీద జగన్‌కి ఉన్న ప్రేమను నెటిజన్లు అభినందిస్తున్నారు.

కాగా,గోపూజ మహోత్సవంలో హిందూ సంప్రదాయ వస్త్రధారణలో కనిపించి అందరి దృష్టిని ఆకర్షించారు సీఎం జగన్.శుక్రవారం ఉదయం 11.30 సమయంలో నరసరావుపేటకు చేరుకున్న సీఎం వైఎస్‌ జగన్‌.. ముందుగా మున్సిపల్‌ స్టేడియంలో ఏర్పాటు చేసిన వివిధ స్టాళ్లను పరిశీలించారు. అనంతరం గోపూజ మహోత్సవంలో పాల్గొన్నారు. సంక్రాంతి పర్వదినం సందర్భంగా టీటీడీ, దేవాదాయ శాఖ ఆధ్వర్యంలో శుక్రవారం రాష్ట్రవ్యాప్తంగా 2679 ఆలయాల్లో గోపూజ కార్యక్రమం నిర్వహించారు. ఏపీలో హిందూ ఆలయాలపై దాడులు జరుగుతున్న నేపథ్యంలో స్వయంగా సీఎం జగన్ గోపూజ మహోత్సవంలో పాల్గొనడం ప్రాధాన్యతను సంతరించుకుంది.

English summary
A video of AP Chief Minister Y.S. Jagan Mohan Reddy helping a bull has gone viral on social media platforms.The Chief Minister, who was at Narasaraopeta in Guntur district for the Gopuja on the occasion of Kanuma celebrations, was visiting stalls as part of the event. He stopped at a stall, which had the traditional Gangireddu (bull). Then the bull shook its head as if it was blessing him.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X